ৰাষ্ট্ৰপতিৰ শাসনৰ পিছতেই আইনত পৰিণত হ’ব ৱাকফ সংশোধনী বিধেয়ক।লোকসভাৰ পিছতেই ৰাজ্যসভাতো গৃহীত হ’ল এই বিধেয়ক।
সমাজৰ দুৰ্বল শ্ৰেণীক সামাজিক আৰু অৰ্থনৈতিক সহায়, শিক্ষা, স্বাস্থ্য সেৱা আৰু জীৱিকাৰ সুযোগ প্ৰদানৰ ক্ষেত্ৰত ৱাকফ ব্যৱস্থাই যুগ যুগ ধৰি গুৰুত্বপূৰ্ণ ভূমিকা পালন কৰি আহিছে।
কিন্তু এই ব্যৱস্থাৰ সুবিধাৰ পৰা মহিলাসকলক প্ৰায়ে বাদ দিয়া হৈছিল, যাৰ ফলত তেওঁলোকৰ সম্পদ আৰু সিদ্ধান্ত গ্ৰহণৰ ক্ষমতাৰ সুবিধা সীমিত হৈ পৰিছিল। চৰকাৰৰ মতে, ৱাকফ সংশোধনী বিধেয়ক হৈছে এই বৈষম্য দূৰ কৰাৰ এক প্ৰয়াস।
ন্যায়পৰায়ণতা আৰু অন্তৰ্ভুক্তি বিধেয়কখনে মুছলমান মহিলাসকলৰ উত্তৰাধিকাৰীত্বৰ অধিকাৰ সুৰক্ষিত কৰা, আৰ্থিক সহায় আগবঢ়োৱা, আৰু প্ৰশাসনত তেওঁলোকৰ ভূমিকা বৃদ্ধি কৰাৰ লগতে ন্যায় আৰু অন্তৰ্ভুক্তিক অগ্ৰাধিকাৰ দিয়াৰ বাবে কেইবাটাও সংস্কাৰৰ প্ৰস্তাৱ আগবঢ়াইছে।
এই পৰিৱৰ্তনে ৱাকফৰ সম্পত্তি পৰিচালনা আৰু ব্যৱহাৰত মহিলাসকলৰ অধিক অংশগ্ৰহণ নিশ্চিত কৰিব, যাৰ ফলত ৱাকফত এক অন্তৰ্ভুক্ত আৰু সমতাপূৰ্ণ ব্যৱস্থাৰ সৃষ্টি হ’ব।
মহিলাৰ উত্তৰাধিকাৰী অধিকাৰ সুৰক্ষা ৱাকফ সংশোধনী বিধেয়কৰ অন্যতম গুৰুত্বপূৰ্ণ সংস্কাৰ হৈছে পৰিয়ালৰ ৱাকফ (ৱাকফ-আল-আউলাদ)ৰ অধীনত মহিলা উত্তৰাধিকাৰীৰ অধিকাৰ সুৰক্ষিত কৰাটো নিশ্চিত কৰা। বিধেয়কখনত উল্লেখ আছে যে, মহিলা উত্তৰাধিকাৰীয়ে নিজৰ উচিত অংশ লাভ কৰা বুলি প্ৰমাণিত হোৱাৰ পিছতহে ৱাকফৰ সম্পত্তি দান কৰিব পাৰিব।
আৰ্থিক সুৰক্ষা আৰু সামাজিক স্থিতিশীলতা সংশোধনী এই বিধেয়কখনে বিধৱা, বিবাহ বিচ্ছেদ হোৱা মহিলা আৰু অনাথসকলক আৰ্থিক সাহায্য প্ৰদানৰ বাবে ৱাকফৰ আয়ৰ ব্যৱহাৰ সম্প্ৰসাৰণ কৰিছে। ধাৰা ৩(আৰ)(iv)য়ে নিশ্চিত কৰে যে ৱাকফ পুঁজিৰ পৰা পোৱা আয় এই দুৰ্বল গোটসমূহৰ কল্যাণ আৰু অৰ্থনৈতিক সুৰক্ষাৰ বাবে ব্যৱহাৰ কৰা হয়।
এই ব্যৱস্থাৰ উদ্দেশ্য হৈছে মহিলাসকলক অৰ্থনৈতিক স্বাৱলম্বিতা প্ৰদান কৰা আৰু তেওঁলোকৰ সামাজিক আৰু অৰ্থনৈতিক কল্যাণ নিশ্চিত কৰা। এই পৰিৱৰ্তনে লিংগ ন্যায়ৰ প্ৰতি চৰকাৰৰ দায়বদ্ধতাক শক্তিশালী কৰে।
এই বিধেয়কখনে ৱাকফ প্ৰশাসনত মহিলাৰ প্ৰতিনিধিত্ব বৃদ্ধিৰ ওপৰত বিশেষ গুৰুত্ব আৰোপ কৰিছে। সংশোধনীৰ জৰিয়তে ৰাজ্যিক ৱাকফ ব’ৰ্ড (ধাৰা ১৪) আৰু কেন্দ্ৰীয় ৱাকফ পৰিষদ (ধাৰা ৯)ত কমেও দুগৰাকী মুছলমান মহিলা সদস্যক অন্তৰ্ভুক্ত কৰাৰ ব্যৱস্থা কৰা হৈছে।
এই পৰিৱৰ্তনে মহিলাসকলক ৱাকফ সম্পদৰ বিতৰণ আৰু পৰিচালনাত অংশগ্ৰহণ কৰিবলৈ সক্ষম কৰি। যাৰ ফলত তেওঁলোকো সিদ্ধান্ত গ্ৰহণ প্ৰক্ৰিয়াৰ অংশ হ’ব পাৰিব। ইয়াৰ ফলত নীতি ৰূপায়ণৰ ক্ষেত্ৰত মৌলিক পৰিৱৰ্তন হ’ব আৰু মহিলা সম্পৰ্কীয় মূল খণ্ডসমূহৰ বাবে অধিক আৰ্থিক সহায় হ’ব, য’ত অন্তৰ্ভুক্ত হ’ব:
- মুছলমান ছোৱালীৰ বাবে বৃত্তি স্বাস্থ্যসেৱা আৰু প্ৰসূতি সুস্থতা মহিলা উদ্যোগীসকলৰ বাবে দক্ষতা বিকাশ
- ক্ষুদ্ৰ বিত্তীয় সহায় উত্তৰাধিকাৰীৰ বিবাদ নি:শেষ
- ঘৰুৱা হিংসাৰ সৈতে জড়িত আইনী সাহায্য অৰ্থনৈতিক সবলীকৰণ আৰু দক্ষতা বিকাশ
বিধেয়কখনৰ অধীনত অৰ্থনৈতিক প্ৰচাৰৰ বাবে বৃত্তিমূলক প্ৰশিক্ষণ কেন্দ্ৰ আৰু আত্মসহায়ক গোট (এছ এইচ জি) স্থাপন কৰা হ’ব। এই পদক্ষেপে মহিলাসকলক স্বাস্থ্যসেৱা, উদ্যোগীকৰণ, ফেশ্বন ডিজাইন আৰু অন্যান্য বৃত্তিগত ক্ষেত্ৰত দক্ষতা বিকাশ কৰাত সহায় কৰিব, যাৰ ফলত তেওঁলোকৰ নিয়োগযোগ্যতা আৰু আত্মনিৰ্ভৰশীলতা বৃদ্ধি পাব। এই পৰিৱৰ্তনে মুছলমান মহিলাসকলৰ বাবে নতুন সুযোগৰ দুৱাৰ মুকলি কৰিব আৰু তেওঁলোকৰ জীৱনত অধিক স্বাধীনতা আৰু নিৰাপত্তা প্ৰদান কৰিব।
