মহাকুম্ভৰ পৰা চৰ্চালৈ অহা হৰ্ষ ৰিচাৰিয়াই মঙলবাৰে বৃন্দাবনত আৰম্ভ কৰে সনাতন যুৱ জোড়ো পদযাত্ৰা। য’ত বহু হিন্দু সংগঠন আৰু সন্তই তেওঁৰ সৈতে যোগদান কৰিছিল।
এই যাত্ৰাৰ বিশেষ কথাটো হ’ল ইয়াত মুছলমান সম্প্ৰদায়ৰ যুৱতী আলিছাকো দেখা গৈছিল। হিজাব পৰিধান কৰি এই পদযাত্ৰাত অংশগ্ৰহণ কৰি সনাতন ধৰ্মৰ প্ৰভাৱত পৰি এই পদযাত্ৰাৰ অংশ হৈ পৰা বুলি আলিছাই উল্লেখ কৰে।
মথুৰা জিলাৰ বাসিন্দা আলিছাই এগৰাকী হিন্দু যুৱকৰ সৈতে বিবাহপাশত আৱদ্ধ হৈছে। তেওঁৰ পৰিয়ালৰ লোকে এই বিবাহৰ তীব্ৰ বিৰোধিতা কৰিছিল, যদিও ইয়াৰ পিছতো আলিছাই পৰিয়ালৰ ইচ্ছাৰ বিপৰীতে গৈ এই বিবাহত আৱদ্ধ হোৱাৰ সিদ্ধান্ত লয়। তেওঁ কয় যে, মুছলমান ধৰ্মত ছোৱালীক সন্মান কৰা নহয়। সেইবাবেই তেওঁ ইছলামক সমৰ্থন নকৰে। আনহাতে হিন্দু ধৰ্মত ছোৱালীক সন্মান কৰা হয়। সেইবাবেই তেওঁ হিন্দু ধৰ্ম গ্ৰহণ কৰিছে।
ইফালে আলিছাই সনাতন ধৰ্মৰ সমৰ্থনত হৰ্ষ ঋচাৰ্যৰ সৈতে এই পদযাত্ৰাত যোগদান কৰাৰ সিদ্ধান্ত লৈছে। হিজাব পিন্ধি যেতিয়া আলিছাই এই পদযাত্ৰাত উপস্থিত হয়, তেতিয়া সকলোৱে তেওঁক সকলোৱে চাই ৰয়। আলিছাই কয় যে, তেওঁ মুছলমান ধৰ্ম ত্যাগ কৰি হিন্দু ধৰ্ম গ্ৰহণ কৰিছে। তেওঁৰ জীৱন যাত্ৰাত প্ৰেমানন্দ মহাৰাজক নিজৰ আদৰ্শ বুলি গণ্য কৰে। ধৰ্মান্তৰিত হোৱাৰ পিছত তেওঁৰ জীৱন সম্পূৰ্ণৰূপে সলনি হৈ গৈছে।
উল্লেখ্য যে, বৃন্দাবনৰ পৰাই সনাতন যুৱ জোড়ো পদযাত্ৰা আৰম্ভ কৰিছে হৰ্ষ ঋচাৰিয়াই। এই যাত্ৰা বৃন্দাবনৰ পৰা আৰম্ভ হ’ব আৰু প্ৰায় ১৭৫ কিলোমিটাৰ দূৰত্ব অতিক্ৰম কৰি বুলন্দশহৰৰ আলিগড় হৈ সম্ভললৈ যাব।
এই পদযাত্ৰাৰ উদ্দেশ্য হৈছে যুৱক-যুৱতীসকলক সনাতন ধৰ্মৰ প্ৰতি সজাগ কৰা, নিচাৰ পৰা মুক্ত কৰা আৰু যুৱক-যুৱতীসকলক আগুৱাই অনা। এই যাত্ৰা কৰি তেওঁলোক অহা ২১ এপ্ৰিলত সম্ভলত উপস্থিত হ’ব। এই সময়ছোৱাত বহু সাধু-মুনিয়ে ইয়াত অংশগ্ৰহণ কৰিব।
