কাইলৈ পঞ্চায়ত নিৰ্বাচন ২০২৫ৰ দ্বিতীয় পৰ্যায়ৰ ভোটগ্ৰহণ। পুৱা ৭:৩০ বজাৰ পৰা আৰম্ভ হব ভোটগ্ৰহণ। ৰাজ্যৰ ১৩ খন চলিব ভোটগ্ৰহণ।
মধ্য আৰু নামনি অসমৰ ১৩ খন জিলাত হ’ব এই ভোটগ্ৰহণ। জিলাকেইখন হ’ল- ধুবুৰী, দক্ষিণ শালমৰা-মানকাচৰ, গোৱালপাৰা, বঙাইগাওঁ, বৰপেটা, বজালী, নলবাৰী, কামৰূপ, কামৰূপ মহানগৰ, হোজাই, নগাওঁ, মৰিগাওঁ আৰু দৰঙত হ’ব ভোটগ্ৰহণ।
বিয়লি ৪.৩০ বজালৈ ভোটগ্ৰহণ হ’ব। আকৌ যদিহে প্ৰয়োজন হয়, তেন্তে ৯ মে’ত পুনৰ ভোটগ্ৰহণ অনুষ্ঠিত কৰা হ’ব।
দ্বিতীয় পৰ্যায়ৰ মুঠ ভোটাৰৰ সংখ্যা হ’ল ৯১ লাখ ৩১ হাজাৰ ১২৭ জন। ইয়াৰ ভিতৰত ৪৬ লাখ ৩০ হাজাৰ ৯২৪ জন পুৰুষ আৰু ৪৪ লাখ ৯৯ হাজাৰ ৯৫২ গৰাকী মহিলা আৰু ২৫১ জন অন্যান্য ভোটাৰ।
২য় পৰ্যায়ত মুঠ প্ৰাৰ্থীৰ সংখ্যা ২৯,৬০৮ গৰাকী। অহা ১১ মে’ত অনুষ্ঠিত হ’ব পঞ্চায়ত নিৰ্বাচনৰ ভোটগণনা।
