কিছুদিন পূৰ্বে মাৰ্কিন ৰাষ্ট্ৰপতি ড’নাল্ড ট্ৰাম্পে ভাৰত আৰু পাকিস্তানৰ মাজত যুদ্ধবিৰতিৰ ক্ষেত্ৰত গুৰুত্বপূৰ্ণ ভূমিকা গ্ৰহণ কৰা বুলি দাবী কৰিছিল। এতিয়া ট্ৰাম্পে আন এক দাবী উত্থাপন কৰিছে। তেওঁ কয় যে ভাৰতে আমেৰিকাক শূন্য শুল্ক বাণিজ্যিক চুক্তিৰ প্ৰস্তাৱ দিছে।
আমেৰিকাই ভাৰতৰ ওপৰত ২৬ শতাংশ শুল্ক আৰোপ কৰিছিল। ইয়াৰ পিছত উত্তেজনাৰ পৰিস্থিতিৰ সৃষ্টি হৈছিল। এতিয়া ট্ৰাম্পে আন এক চাঞ্চল্যকৰ দাবী কৰিছে।
এক প্ৰতিবেদন অনুসৰি, ট্ৰাম্পে ১৫ মে’ কয় যে ভাৰতে আমেৰিকাক শূন্য শুল্ক বাণিজ্যিক চুক্তিৰ প্ৰস্তাৱ দিছে। ভাৰতত যিকোনো বস্তু বিক্ৰী কৰাটো অতি কঠিন, কিন্তু ভাৰতে ৱাশ্বিংটনৰ সৈতে শূন্য শুল্ক বাণিজ্যিক চুক্তি কৰিবলৈ সাজু। ইফালে ড’নাল্ড ট্ৰাম্পে ৯ এপ্ৰিলত মুক্তি দিৱস উপলক্ষে ভাৰতকে ধৰি বহু দেশত শুল্ক ঘোষণা কৰিছিল।
ভাৰতৰ অপাৰেচন সেন্দুৰৰ পিছত পাকিস্তানে আগ্ৰাসী স্থিতি গ্ৰহণ কৰিছে। ড্ৰোন আৰু মিছাইলেৰে বহু চহৰত আক্ৰমণ কৰিবলৈ চেষ্টা কৰে যদিও অৱশেষত বিফল হয় পাকিস্তানৰ সকলো অপচেষ্টা। ভাৰতে ইয়াৰ প্ৰতিশোধ লৈ পাকিস্তানৰ বিস্তৰ ক্ষতিসাধন কৰে।
ইফালে ট্ৰাম্পে ভাৰত আৰু পাকিস্তানৰ সৈতে যুদ্ধ সন্দৰ্ভত আলোচনা কৰে। ট্ৰাম্পে সমগ্ৰ বিশ্বৰ সন্মুখত দাবী কৰে যে ভাৰত-পাকিস্তান যুদ্ধবিৰতি সন্দৰ্ভত হোৱা আলোচনাত তেওঁ গুৰুত্বপূৰ্ণ ভূমিকা পালন কৰিছে।
আমেৰিকাই চীনৰ ওপৰত ১৪৫ শতাংশ শুল্ক আৰোপ কৰিছে। আনহাতে ভিয়েটনামৰ ওপৰতো ৪৬ শতাংশ শুল্ক আৰোপ কৰিছে। অৱশ্যে ভিয়েটনামক ৯০ দিনৰ ৰেহাই দিছে ট্ৰাম্পে। আমেৰিকাৰ ট্ৰাম্প চৰকাৰে বৰ্তমান অষ্ট্ৰেলিয়া আৰু নিউজিলেণ্ডৰ ওপৰত মাত্ৰ ১০ শতাংশ শুল্কহে ৰাখিছে।
