অপাৰেচন সেন্দুৰৰ সময়ত চীনৰ অস্ত্ৰৰ শক্তিৰ প্ৰতি থকা গৌৰৱ ছিন্ন-ভিন্ন হৈ পৰিছিল। কিন্তু চীনে এতিয়াও নতুন অস্ত্ৰ বিষয়ে ঘোষণা কৰি বিশ্বক প্ৰভাৱিত কৰিবলৈ চেষ্টা কৰি আছে।
এতিয়া চীনে এখন উন্নত ড্ৰোন মাদাৰশ্বিপ নিৰ্মাণ কৰা বুলি দাবী কৰিছে। যিয়ে একেলগে ১০০ টা আত্মঘাতী ড্ৰোন নিক্ষেপ কৰি শত্ৰুৰ বায়ু প্ৰতিৰক্ষাক বিভ্ৰান্ত কৰিব পাৰে।
চীনে এই প্ৰযুক্তি ব্যৱহাৰ কৰি শত্ৰুৰ নিৰাপত্তা ব্যৱস্থাক লক্ষ্য কৰি ল’ব বিচাৰিছে। চীনৰ এই ড্ৰোন এখন মানৱবিহীন বিমান। অৰ্থাৎ ইয়াক চলাবলৈ কোনো পাইলটৰ প্ৰয়োজন নাই। কিন্তু প্ৰতিৰক্ষা বিশেষজ্ঞসকলে ইয়াক অতি লেহেমীয়া বুলি অভিহিত কৰিছে। যাৰ বাবে ইয়াক লক্ষ্য কৰি লোৱাটো সহজ, ঠিক যেনেকৈ চীনৰ ক্ষেপণাস্ত্ৰ বিকল হৈছিল। এই ড্ৰোন মাদাৰশ্বিপকো সহজেই টাৰ্গেট কৰিব পাৰি।
কিন্তু ভাৰতৰ অস্ত্ৰ-শস্ত্ৰ আৰু প্ৰতিৰক্ষা সঁজুলিয়ে প্ৰতিটো পৰীক্ষাটেই নিজৰ সফলতা দেখুৱাবলৈ সক্ষম হৈছে। এইয়া কেৱল অপাৰেচন সেন্দুৰৰ কথায়েই নহয়। পঞ্চম শতিকাতো ভাৰত ইমানেই উন্নত আছিল।
শতিকা পুৰণি ভাৰতীয় প্ৰযুক্তি ব্যৱহাৰ কৰি নিৰ্মাণ কৰা হৈছে আই এন এছ ভি কৌণ্ডিনিয়া। ইয়াত এটাও গজাল ব্যৱহাৰ কৰা হোৱা নাই।
পৃথিৱীত ইমান পুৰণি জাহাজৰ মডেল নাই। সেয়ে অজন্তা গুহাৰ পৰা এখন ছবি চাই সমগ্ৰ জাহাজখন নিৰ্মাণ কৰা হৈছে। কেৰালাৰ পৰম্পৰাগত শিপিনীসকলে নিজ হাতেৰে প্ৰস্তুত কৰিছে। পৃথিৱীৰ কোনো নৌসেনাৰ এনে জাহাজ হয়তো নাই। এই জাহাজখন গুজৰাটৰ পৰা ওমানলৈ প্ৰথম যাত্ৰাত প্ৰেৰণ কৰা হ’ব।
এই প্ৰাচীন জাহাজখনৰ পাল বৰ্গক্ষেত্ৰ আৰু কাঠৰ খোলাৰে নিৰ্মিত। যি হাতেৰে চলোৱা পেডেলৰ দ্বাৰা নিয়ন্ত্ৰিত হয়। কেৰেলাৰ শিপিনীসকলে এই জাহাজৰ কাঠৰ তক্তাবোৰ ৰছীৰে চিলাই কৰি প্ৰস্তুত কৰিছিল। ইয়াৰ পিছত ইয়াক নাৰিকল আঁহ আৰু মাছৰ তেলেৰে পানী নোসোমাব পৰা কৰি তোলা হৈছিল, অৰ্থাৎ এই জাহাজখনত এটাও গজাল ব্যৱহাৰ কৰা হোৱা নাছিল। প্ৰাচীন ভাৰতত জাহাজ এনেদৰে নিৰ্মাণ কৰা হৈছিল।
এই জাহাজখনৰ ডিজাইন পৰীক্ষা কৰিবলৈ নৌসেনাই আই আই টি মাদ্ৰাজৰ সহায় লৈছিল। ইয়াৰ পিছত ইয়াক নৌসেনাত অন্তৰ্ভুক্ত কৰা হয়। এই জাহাজখনে এতিয়া বহু ঠাইলৈ যাত্ৰা কৰিব। তাতো বিশ্বই দেখা পাব ভাৰতৰ গৌৰৱময় পৰম্পৰা। লগতে জানিব পাৰিব প্ৰাচীন কালত বিশ্বৰ চতুৰ্থ শক্তিশালী সেনাবাহিনী থকা এই দেশখন কিমান উন্নত আছিল।
