উত্তৰ প্ৰদেশৰ ৰাজা ৰঘুবংশী হত্যা সন্দৰ্ভত বৰ্তমান আৰক্ষীয়ে গাজীপুৰ ৱান ষ্টপ চেণ্টাৰত পত্নী সোণম ৰঘুবংশীক জেৰা কৰি আছে।
পিছে সোনম আৰু ৰাজা নিৰুদ্দেশ হোৱাৰ ১২ ঘন্টা আগে আগে মেঘালয়ৰ প্ৰত্যক্ষদৰ্শীয়ে কি কৈছিল সেয়া জানো আহক-
২০২৫ চনৰ ১১ মে’ত বিবাহপাশত আবদ্ধ হোৱা ৰাজা আৰু সোণম ২০ মে’ত হানিমুনৰ বাবে মেঘালয়ত উপস্থিত হৈছিল।২১ মে’ত শ্বিলঙৰ এটা অতিথিশালাত তেওঁলোকে আশ্ৰয় লৈছিল। ২২ মে’ত এখন স্কুটি ভাড়া কৰি সোহৰালৈ ৰাওনা হয় দুয়ো।
ইষ্ট খাছি পাহাৰৰ মাওলাখিয়াট গাঁৱত স্কুটিখন ৰখাই দিয়াৰ পাছত গাইড ভকুপাৰ ভানছাইক নিয়োগ কৰি নঙৰিয়াট গাঁৱৰ শিপ্ৰা হোমষ্টেলৈ লৈ যায়। ভাকুপাৰে কয় যে, ২২ মে’ত বিয়লি ৩:৩০ বজাত তেওঁক ফোন কৰিছিল। তেওঁ দুয়োকে নংৰিয়াটলৈ লৈ গৈছিল, য’ত তেওঁলোকে ৩ হাজাৰ চিৰি নামিব লগা হৈছিল।
হোমষ্টেৰ মালিক ছিয়াণ্টি সোখলেটে কয় যে, “২২ মে’ত ৰাজা আৰু সোণম গাইড লৈ আহিছিল প্ৰায় ৫ বজাত।তেওঁ দুয়োকে কোঠাটো দেখুৱাই দি, ভাড়া আৰু গাইডৰ মাচুলৰ বিষয়ে আলোচনা কৰে। কিন্তু পিছদিনাৰ বাবে গাইড ল’বলৈ অস্বীকাৰ কৰে।
২২ মে’ত দম্পতীহালৰ সৈতে থকা গাইড এলবাৰ্ট পিডিয়ে আৰক্ষীক জনোৱা মতে, “২৩ মে’ত ৰাতিপুৱা ১০ বজাত ৰাজা আৰু সোণমক ৩ হাজাৰ খোজ মাউলাখিয়াতৰ দিশে বগাই যোৱা দেখিছে। তেওঁলোকৰ লগত ৩জন মানুহ আছিল, যাক তেওঁ পৰ্যটক বুলি ধৰি লৈছিল। চাৰিওজন লোকে হিন্দী ভাষাত কথা পাতি আছিল, কিন্তু তেওঁ কেৱল খাছী আৰু ইংৰাজী ভাষাত কথা পাতিছিল।
২৪ মে’ত ছ’হৰিমত পৰিত্যক্ত অৱস্থাত উদ্ধাৰ হৈছিল দম্পতীহালৰ স্কুটি। যোৱা ২ জুনত ৱেই ছ’ডং জলপ্ৰপাতৰ সমীপত ৰাজাৰ মৃতদেহ উদ্ধাৰ হৈছিল, যিটো তেওঁৰ টেটুৰ দ্বাৰা চিনাক্ত হৈছিল। আৰক্ষীয়ে এটা তেজৰ দাগ থকা চাৰ্ট, এখন দা (স্থানীয় কটাৰী) আৰু এটা ভঙা মোবাইলৰ স্ক্ৰীণো উদ্ধাৰ কৰে। সোনম ১৭ দিন নিৰুদ্দেশ হৈ থকাৰ বাবে অপহৰণ আৰু সৰবৰাহৰ সন্দেহৰ সৃষ্টি হয়।
পূৰ্বতে ৰাজাৰ পৰিয়ালে চিবিআইৰ তদন্ত বিচাৰিছিল যদিও সোণমৰ বিৰুদ্ধে উত্থাপিত হোৱা অভিযোগত তেওঁলোক আচৰিত হৈছে। সোণমক অভিযুক্ত হিচাপে মানি ল’বলৈ অস্বীকাৰ কৰিছে ৰাজাৰ ভাতৃয়ে।
আনহাতে মেঘালয়ৰ মুখ্যমন্ত্ৰী কনৰাড চাংমাই আৰক্ষীক প্ৰশংসা কৰিছে। কিন্তু সোণমৰ পিতৃয়ে মেঘালয় আৰক্ষী আৰু মুখ্যমন্ত্ৰীৰ ভাষ্যক মিছা বুলি অভিহিত কৰিছে। বহু প্ৰশ্নৰ উত্তৰ এতিয়াও বাকী আছে। আৰক্ষীয়ে সোণমৰ পৰা হত্যাৰ আঁৰৰ উদ্দেশ্য জানিবলৈ চেষ্টা চলাইছে। এই ভয়ংকৰ হানিমুন হত্যাকাণ্ডৰ গোচৰটোৱে আৰু অধিক গোপনীয়তা প্ৰকাশ কৰিব।
