পাকিস্তানৰ শত্ৰু ৰাষ্ট্ৰই সৃষ্টি কৰিছে আত্মঘাতী ড্ৰ’ন সেনা। এই ড্ৰ’ন বায়ুসেনা সৃষ্টি কৰাৰ লগতে ইয়াত কিছুমান হেলিকপ্টাৰো অন্তৰ্ভুক্ত কৰা হৈছে। ইয়াৰ ফলত পাকিস্তানৰ উত্তেজনা বৃদ্ধি হোৱাটো নিশ্চিত হৈ পৰিছে।
এই ড্ৰ’ন আৰ্মীয়ে কৰাচী, ৰাৱালপিণ্ডি বা ইছলামবাগেই হওক যিকোনো ঠাইতে আক্ৰমণ কৰিব পাৰিব। এই কাম কৰিছে আফগানিস্তান দখল কৰা তালিবানে। তালিবানৰ বাবে পাকিস্তানে সন্মুখীন হ’ব পাৰে ডাঙৰ সমস্যাৰ।
এক বাতৰি অনুসৰি আফগানিস্তানে নিজৰ নতুন বায়ুসেনাও গঠন কৰিছে। তালিবানে ড্ৰ’ন বায়ুসেনা গঠনৰ কথা ঘোষণা কৰিছে। বৰ্তমান ই ড্ৰ’ন বায়ুসেনাৰ পৰীক্ষা কৰি আছে আৰু ইয়াৰ বাবে পূৰ্বৰ ব্ৰিটিছ এছ এ এছ ঘাটি ব্যৱহাৰ কৰি আছে। তালিবানৰ এই মাৰাত্মক ড্ৰ’ন বাহিনীয়ে যিকোনো শত্ৰু দেশক ক্ষন্তেকতে ধ্বংস কৰিব পাৰে। বৰ্তমান ইয়াৰ পৰীক্ষা চলি আছে।
প্ৰতিবেদন অনুসৰি, তালিবানে বৃহৎ পৰিসৰত ড্ৰ’ন নিৰ্মাণৰ কাম আৰম্ভ কৰিবলৈ ওলাইছে। ইয়াৰ বাবে অতি সোনকালে আন্তঃৰাষ্ট্ৰীয় পৰ্যায়ৰ বিশেষজ্ঞ নিযুক্তি দিব। ইয়াৰ ভিতৰত ওছামা বিন লাডেনৰ সন্ত্ৰাসবাদী সংগঠন আল কায়দাৰ সৈতে জড়িত বুলি অভিযোগ উত্থাপন হোৱা এজন অভিযন্তাও আছে। ড্ৰ’ন নিৰ্মাণৰ বাবে তালিবানে বৃহৎ পৰিসৰৰ নিযুক্তি আৰম্ভ কৰিব। পশ্চিমীয়া দেশসমূহৰ নিৰাপত্তা সংস্থাসমূহৰ বাবেও এয়া সতৰ্কবাণীৰ ঘণ্টাৰ দৰে।
ড্ৰ’ন আৰু মিছাইলৰ জৰিয়তে ৰাছিয়া আৰু ইউক্ৰেইনৰ মাজত যুদ্ধ হৈছিল। এই দুয়োখন দেশে সেনাৰ প্ৰত্যক্ষ ভূমিকা হ্ৰাস কৰাৰ চেষ্টা কৰিছিল। শেহতীয়াকৈ ইউক্ৰেইনে ড্ৰ’ন আক্ৰমণৰ জৰিয়তে ৰাছিয়াৰ বহু বিমান ঘাটি ধ্বংস কৰিছে। এতিয়া যুদ্ধত প্ৰযুক্তিৰ ভূমিকা গুৰুত্বপূৰ্ণ হৈ পৰিছে। ভাৰতৰ অপাৰেচন সিন্দুৰৰ সময়তো ড্ৰ’নৰ ব্যাপক ব্যৱহাৰ হৈছিল।
