আমেৰিকাৰ পৰা ভাৰতে লাভ কৰিছে এক সু-খবৰ। জেট ইঞ্জিন নিৰ্মাতা কোম্পানী জি’ইয়ে ভাৰতক গতাই দিলে দ্বিতীয় ইঞ্জিন জিই-৪। এই ইঞ্জিন লঘু যুদ্ধ বিমানত ব্যৱহাৰ কৰা হ’ব। ইয়াক এলচিএ (লাইট কম্বেট এয়াৰক্ৰাফ্ট) তেজাছ মাৰ্ক-১এ ত স্থাপন কৰিব পাৰি।
গুৰুত্বপূৰ্ণ কথাটো হ’ল হিন্দুস্তান এৰ’নটিক্স লিমিটেডে এই বিত্তীয় বৰ্ষত মুঠ ১২টা এনে ইঞ্জিন পোৱাৰ সম্ভাৱনা আছে।
এক প্ৰতিবেদন অনুসৰি, ভাৰতে লাভ কৰিছে দ্বিতীয়টো জিই-৪০৪ ইঞ্জিন। ভাৰতীয় বায়ুসেনাই ৮৩খন এলচিএ মাৰ্ক-১এ যুদ্ধ বিমানৰ অৰ্ডাৰ দিছে। প্ৰতিৰক্ষা মন্ত্ৰালয়ৰ অনুমোদনৰ পিছত আৰু ৯৭ খন এনে বিমান ক্ৰয়ৰ প্ৰস্তাৱো চূড়ান্ত পৰ্যায়ত আছে। ইয়াৰ ফলত ভাৰতীয় বায়ুসেনাৰ শক্তি আৰু অধিক বৃদ্ধি পাব। এয়া চুবুৰীয়া দেশ পাকিস্তানৰ বাবে উত্তেজনা বৃদ্ধিৰ খবৰ হৈ উঠিব পাৰে।
প্ৰতিৰক্ষা সচিব ৰাজেশ সিঙে কয় যে, ভাৰতৰ তেজছ মাৰ্ক-১এ যুদ্ধ বিমানৰ বাবে জিই (জেনেৰেল ইলেক্ট্ৰিক) এফ৪০৪-আইএন২০ ইঞ্জিনৰ যোগান পুনৰ আৰম্ভ হৈছে। জিইয়ে ২০২৬ চনৰ মাৰ্চ মাহৰ পৰা প্ৰতিমাহে দুটা ইঞ্জিন প্ৰেৰণ কৰিব পাৰিব।ভাৰত জেনেৰেল ইলেক্ট্ৰিকৰ সৈতে ৭৬১ মিলিয়ন ডলাৰৰ চুক্তি স্বাক্ষৰ কৰিছিল। ইয়াৰ অধীনত যুদ্ধ বিমানৰ ইঞ্জিন ক্ৰয় কৰিব লাগিব।
ভাৰতীয় বায়ুসেনাৰ বহুতো যুদ্ধ বিমান আছে, যিবোৰ যিকোনো ধৰণৰ আক্ৰমণৰ বাবে ডিজাইন কৰা হৈছে। প্ৰতিখন বিমানৰ ক্ষমতা বেলেগ বেলেগ। এই তালিকাত আছে চুখয় ছু-৩০ এমকেআই, ৰাফেল, তেজাছ, মিগ-২৯, মিৰাজ ২০০০, জাগুয়াৰ আৰু মিগ-২১।
