নতুন দিল্লীৰ গুৰগাঁৱত সংঘটিত হৈছে এক ভয়ংকৰ পথ দুৰ্ঘটনা। নেশ্যনেল হাইৱেৰ এগজিট ৯ত সংঘটিত এই দুৰ্ঘটনাটোত পাঁচজন লোকৰ মৃত্যু হোৱাৰ লগতে এজন লোক গুৰুতৰভাৱে আহত হোৱাৰ খবৰ আহিছে। আহত লোকজনক ওচৰৰে এখন হাস্পতালত ভৰ্তি কৰোৱা হৈছে।
আৰক্ষীৰ প্ৰাথমিক তদন্তত জানিব পৰা গৈছে যে এখন তীব্ৰবেগী থাৰ বাহনে ডিভাইডাৰত খুন্দা মাৰি ৰাজপথ বাগৰি পৰাৰ ফলত এই দুৰ্ঘটনাটো সংঘটিত হয়। আক্ষীয়ে মৃত লোককেইজনক উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।
শনিবাৰে পুৱতি নিশা সংঘটিত এই ভয়ংকৰ পথ দুৰ্ঘটনাটো। থাৰ বাহনখনত থকা লোককেইজনে কোনো কামৰ বাবে উত্তৰ প্ৰদেশৰ পৰা গুৰগাঁৱলৈ আহি আছিল।
দুৰ্ঘটনাটো সংঘটিত হোৱাৰ সময়ত বাহনখনত আছিল ৬জন লোক। মৃত লোকসকলৰ পৰিচয় এই পৰ্যন্ত জানিব পৰা হোৱা নাই যদিও আৰক্ষীয়ে পৰিচয় উদ্ধাৰৰ বাবে কাম আৰম্ভ কৰিছে।
