অব্যাহত আছে প্ৰাণৰ শিল্পী জুবিন গাৰ্গৰ ৰহস্যজনক মৃত্যুৰ তদন্ত। আজি জুবিন গাৰ্গৰ মৃত্যুৰ তদন্ত সন্দৰ্ভত SIT য়ে সংবাদমেল দিয়ে। SITৰ নেতৃত্বত থকা SDGP মুন্নাপ্ৰসাদ গুপ্তাই সংবাদমেল সম্বোধন কৰে।
SIT ৰ ২জনীয়া দলটো ২০ অক্টোৱৰত ছিংগাপুৰত উপস্থিত হৈছিল। ২১ অক্টোৱৰত ছিংগাপুৰৰ ৫জনীয়া আৰক্ষীৰ সৈতে SIT ৰ বৈঠক অনুষ্ঠিত হৈছিল।
সেই বৈঠকতে ছিংগাপুৰৰ মৰণোত্তৰ প্ৰতিবেদন SITক দিছে ছিংগাপুৰ আৰক্ষীয়ে। জুবিন গাৰ্গৰ মৃত্যু হোৱা স্থানো SIT য়ে পৰিদৰ্শন কৰিছে বুলি জানিবলৈ দিয়ে।
ছিংগাপুৰ আৰক্ষীকো খৰটকীয়াকৈ তদন্ত কৰিবলৈ অনুৰোধ কৰিছে SIT য়ে। হোটেল পেচিফিকৰ CCTV ভিজুৱেল সংগ্ৰহ কৰিবলৈ ছিংগাপুৰ আৰক্ষীক অনুৰোধ কৰে SITয়ে।
এই দলটোৱে ছিংগাপুৰৰ সকলো ঘটনাস্থলী পৰিদৰ্শন কৰিছে বুলি কয়। ৭০জনতকৈ অধিক লোকৰ ভাষ্য গ্ৰহণ কৰিছে এছআইটিয়ে বুলি সদৰী কৰিছে মুন্নাপ্ৰসাদ গুপ্তাই।
