অৰিজিৎ সিঙৰ অৱসৰ কখা ঘোষণাৰ পিছতে খবৰ ওলাইছে যে তেওঁ “বৰ্ডাৰ ২” ছবিখনৰ বাবে এটি গীত গাবলৈ বাধ্য হৈছিল। এইক্ষেত্ৰত ভূষণ কুমাৰে নিজৰ বক্তব্য ৰাখিছে। উল্লেখ্য যে, ২৭ জানুৱাৰীত নেপথ্য কণ্ঠশিল্পী হিচাপে অৱসৰৰ কথা ঘোষণাৰ কৰি সকলোকে স্তম্ভিত কৰি তোলে অৰিজিত সিঙে।
এই খবৰৰ পিছতে ক্ৰমাৎ আৱেগিক হৈ পৰে অৰিজিতৰ অনুৰাগীসকল। ইয়াৰ পিছতে আন এক উৰাবাতৰি প্ৰচাৰিত হৈছে যে অৰিজিতে “বৰ্ডাৰ ২”ৰ “সন্দেছে আতে হ্যেয়” গীতটো গাইবলৈ বাধ্য হৈছিল। কিন্তু ছবিখনৰ পৰিচালক ভূষণ কুমাৰে এই সকলোবোৰ বাজে কথা বুলি উল্লেখ কৰে।
শেহতীয়াকৈ এক বিষয় উত্থাপন হৈছিল যে, একাংশ সংগীত পৰিচালকে কণ্ঠশিল্পীগৰাকীৰ কামত বাধা দিছিল। যাৰ বাবে তেওঁ অত্যন্ত বিচলিত হৈ পৰিছিল। তদুপৰি কোৱা হৈছিল যে অৰিজিতে “বৰ্ডাৰ ২”ৰ গীতবোৰৰ সৈতে সৃষ্টিশীলভাৱে কাম কৰিব নোৱাৰিলে।
অৱশ্যে অৰিজিতে নিজৰ অৱসৰ ঘোষণাৰ পিছতে এই সন্দৰ্ভত সামাজিক মাধ্যমত লিখিছে যে, বছৰ বছৰ ধৰি তেওঁৰ সংগীত শুনি মৰম আগবঢ়োৱা সকলোকে ধন্যবাদ জনায়। লগতে অৰিজিতে লিখিছে যে, ইয়াৰ এটা কাৰণ যথেষ্ট সহজ, তেওঁৰ যিকোনো বস্তুৰ প্ৰতিয়েই আগ্ৰহ অতি সোনকালে কমি যায়, যাৰ বাবে তেওঁ প্ৰায়ে নিজৰ গীতৰ ব্যৱস্থা সলনি কৰি লাইভত পৰিবেশন কৰে।
