সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
আজি T-20 বিশ্বকাপৰ হাই ভল্টেজ মেচ। ভাৰতৰ সন্মুখত ২২ গজত নামিব চিৰবৈৰী পাকিস্তান। এই খেল শ্ৰীলংকাৰ কলম্বোত খেলপথাৰত অনুষ্ঠিত হ’ব। সন্ধিয়া ৭ বজাত অনুষ্ঠিত হ’ব এই খেল।
‘মৰাণৰ ৰাজপথত বিমান চলিল। ৰাষ্ট্ৰীয় নিৰাপত্তা আৰু অধিক কটকটীয়া হ’ল’। ‘পাকিস্তানৰ প্ৰতিনিধি গৌৰৱ গগৈয়ে এইসমূহ নুবুজা বা বুজিব নোখোজাটো স্বাভাৱিক’। মৰাণত বায়ুসেনাৰ প্ৰস্তুতিক উপলুঙা কৰা গৌৰৱ গগৈক তুলা-ধুনা মুখ্যমন্ত্ৰী ড০ হিমন্ত বিশ্ব শৰ্মাৰ।
১৭ ফেব্ৰুৱাৰীত এক বৃহৎ ৰাজনৈতিক মুহূৰ্তৰ সাক্ষী হ’ব বাংলাদেশৰ জনতাই। বাংলাদেশৰ জাতীয়তাবাদী পাৰ্টিৰ সভাপতি তাৰিক ৰহমানে দেশৰ পৰৱৰ্তী প্ৰধানমন্ত্ৰী হিচাপে শপত গ্ৰহণ কৰিব। ইয়াৰ দ্বাৰা বিএনপি আনুষ্ঠানিকভাৱে ক্ষমতালৈ ঘূৰি আহিব। বাংলাদেশ সংসদ ভৱনত অনুষ্ঠিত হ’বলগীয়া এই অনুষ্ঠানটো সমগ্ৰ দক্ষিণ এছিয়াত তীক্ষ্ণ দৃষ্টিৰে চোৱাচিতা কৰা হ’ব। তথ্য অনুসৰি নৱনিৰ্বাচিত সাংসদসকলৰ শপত গ্ৰহণৰ জৰিয়তে দিনটোৰ আৰম্ভণি হ’ব। ইয়াৰ পিছতে নতুন প্ৰধানমন্ত্ৰী আৰু কেবিনেটৰ শপত গ্ৰহণ কৰা হ’ব। তাৰিক ৰহমানক শপত গ্ৰহণ কৰিব মুখ্য নিৰ্বাচন আয়ুক্ত এ এম এম নাছিৰ উদ্দিনে। ইয়াৰ দ্বাৰা সাধাৰণ নিৰ্বাচনৰ পিছত সাংবিধানিক প্ৰক্ৰিয়া অনুসৰি ক্ষমতাৰ পৰিৱৰ্তন হ’ব।
