আনুষ্ঠানিভাৱে গেৰুৱা বসন পৰিধান কৰিলে কংগ্ৰেছৰ প্ৰাক্তন সাংসদ জ্যেষ্ঠ নেতা প্ৰদ্যুৎ বৰদলৈয়ে। দিল্লীত মুখ্যমন্ত্ৰীৰ বাসভৱনত আনুষ্ঠানিভাৱে বিজেপিত যোগদান কৰে কংগ্ৰেছৰ প্ৰাক্তন সাংসদ প্ৰদ্যুৎ বৰদলৈয়ে। দিল্লীত যোগদানৰ পিছতেই কেন্দ্ৰীয় গৃহমন্ত্ৰী অমিত শ্বাহক সাক্ষাৎ কৰাৰ সম্ভাৱনা বৰদলৈৰ।
তেওঁৰ এই যোগদান কাৰ্যসূচীত মুখ্যমন্ত্ৰী ড০ হিমন্ত বিশ্ব শৰ্মাৰ লগতে ৰাজ্যিক বিজেপিৰ সাংসদ দিলীপ শইকীয়ায়ো উপস্থিত থাকে। ১৭ মাৰ্চত মল্লিকাৰ্জুন খৰ্গেলৈ পদত্যাগ পত্ৰ লিখি কংগ্ৰেছ দলক বিদায় জনাইছিল প্ৰদ্যুৎ বৰদলৈয়ে। মাত্ৰ এটা বাক্যৰে পদত্যাগ পত্ৰ লিখি কংগ্ৰেছ দলৰ পৰা বিদায় মাগিছিল জ্যেষ্ঠ নেতাগৰাকীয়ে।
অতি অপমানিত তথা উপেক্ষিত অনুভৱ কৰি কংগ্ৰেছ দল ত্যাগ কৰিবলৈ বাধ্য হৈছে বুলি জনায় প্ৰদ্যুৎ বৰদলৈয়ে।
