সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
আজি মনোনয়ন দাখিল কৰিব মুখ্যমন্ত্ৰী হিমন্ত বিশ্ব শৰ্মাই। জালুকবাৰী বিধানসভা সমষ্টিৰ বাবে মনোনয়ন দাখিল কৰিব মুখ্যমন্ত্ৰী ড৹ হিমন্ত বিশ্ব শৰ্মাই। খানাপাৰাৰ খেল পথাৰৰ পৰা সমদল কৰি আহি দাখিল কৰিব মনোনয়ন। মনোনয়ন দাখিলৰ পূৰ্বে মাজনিশা মহানগৰীৰ ভূতনাথত উপস্থিত হয় মুখ্যমন্ত্ৰীগৰাকী। ভূতনাথ শান্তি আশ্ৰমৰ মা কালী মন্দিৰত সেৱা আগবঢ়ায় ড৹ হিমন্ত বিশ্ব শৰ্মাই।
জল্পনা-কল্পনাৰ অন্ত পেলাই শাসকীয় ভাৰতীয় জনতা পাৰ্টিয়ে ঘোষণা কৰিলে প্ৰাৰ্থী তালিকা। প্ৰথম পৰ্যায়ত ৮৮খন আসনৰ বাবে ভাৰতীয় জনতা পাৰ্টিয়ে ঘোষণা কৰে প্ৰাৰ্থী। আজি সমষ্টিয়ে সমষ্ঠিয়ে মনোনয়ন পত্ৰ দাখিল কৰিব বহু নেতাই। জাগীৰোড সমষ্টিৰ বাবে আজি মনোনয়ন দাখিল কৰিব মন্ত্ৰী পীযুষ হাজৰিকাই।
প্ৰধানমন্ত্ৰী নৰেন্দ্ৰ মোদীয়ে মাৰ্চত ফ্ৰান্স, জৰ্ডান, ওমান, মালয়েছিয়া, কাটাৰৰ শীৰ্ষ নেতাৰ সৈতে কথা পাতি পশ্চিম এছিয়াৰ পৰিস্থিতিৰ বিষয়ে আলোচনা কৰে। পশ্চিম এছিয়াৰ বিকাশশীল পৰিস্থিতিক লৈ উদ্বেগ প্ৰকাশ কৰি প্ৰধানমন্ত্ৰী মোদীয়ে অঞ্চলটোত সংঘাত হ্ৰাস কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে। মধ্যপ্ৰাচ্যত শান্তি, নিৰাপত্তা, আৰু স্থিতিশীলতা ক্ষিপ্ৰতাৰে পুনৰুদ্ধাৰ কৰিবলৈ আলোচনা আৰু কূটনীতিৰ প্ৰয়োজনীয়তাৰ ওপৰত গুৰুত্ব আৰোপ কৰে প্ৰধানমন্ত্ৰী মোদীয়ে।
