আমেৰিকাৰ ফ্ল’ৰিডাৰ পাম বিচ আন্তঃৰাষ্ট্ৰীয় বিমানবন্দৰৰ নাম সলনি কৰা হৈছে ৰাষ্ট্ৰপতি ড’নাল্ড জে ট্ৰাম্প আন্তঃৰাষ্ট্ৰীয় বিমানবন্দৰ। এই তথ্য প্ৰকাশ কৰিছে ড’নাল্ড ট্ৰাম্পৰ পুত্ৰ এৰিক ট্ৰাম্পে। এইক্ষেত্ৰত অধিবক্তা তথা পূৰ্বৰ নৌ সেনাৰ অধীক্ষক ৰন ডিছান্টিছে এই সিদ্ধান্তত অনুমোদন জনায়।
১ জুলাইৰ পৰা কাৰ্যকৰী হ’ব এই নতুন নাম। এৰিক ট্ৰাম্পে ছ’চিয়েল মিডিয়া প্লেটফৰ্ম এক্সত এটা পোষ্টত বিষয়টো সন্দৰ্ভত নিজৰ সুখ প্ৰকাশ কৰি এই প্ৰচেষ্টাত সৰু অৱদান আগবঢ়োৱাৰ বাবে গৌৰৱ প্ৰকাশ কৰে। ইয়াৰ বাবে কেইবাজনো নেতা আৰু বিষয়াকো ধন্যবাদ জ্ঞাপন কৰে।
যদিও ফেডাৰেল এভিয়েশন এডমিনিষ্ট্ৰেচনে স্পষ্ট কৰি দিছে যে, বিমানবন্দৰৰ নাম সলনি কৰাটো স্থানীয় সিদ্ধান্ত আৰু ইয়াৰ বাবে তেওঁলোকৰ প্ৰত্যক্ষ অনুমোদনৰ প্ৰয়োজন নাই, তথাপিও নাম সলনি হোৱাৰ পিছত তেওঁলোকে নিজৰ ৰেকৰ্ড আৰু চিষ্টেম আপডেট কৰিব লাগিব। ইতিমধ্যে ট্ৰাম্প প্ৰশাসনে এই নামৰ বাবে ট্ৰেডমাৰ্কৰ আবেদন দাখিল কৰিছিল। এই এপ্লিকেচনত ভ্ৰমণ সম্পৰ্কীয় বিভিন্ন সামগ্ৰী, যেনে বেগ, কাপোৰ, আৰু অন্যান্য আনুষংগিক সামগ্ৰী অন্তৰ্ভুক্ত কৰা হৈছিল। কোম্পানীটোৱে লগতে কয় যে, এই নাম সলনিৰ ফলত ড’নাল্ড ট্ৰাম্প বা তেওঁৰ পৰিয়াল আৰ্থিকভাৱে লাভৱান নহ’ব আৰু ইয়াৰ পৰা তেওঁলোকে কোনো ধৰণৰ ধন লাভ নকৰে। এই সিদ্ধান্তক আমেৰিকাত এক বৃহৎ ৰাজনৈতিক আৰু প্ৰতীকী পদক্ষেপ বুলি গণ্য কৰা হৈছে, যাৰ ফলত তীব্ৰ বিতৰ্কৰ সৃষ্টি হৈছে।
লগতে এইবাৰ ড’নাল্ড ট্ৰাম্পৰ স্বাক্ষৰ হ’ব আমেৰিকান ডলাৰত। এইবাৰ প্ৰথমবাৰৰ বাবে বহি থকা ৰাষ্ট্ৰপতিয়ে পোনপটীয়াকৈ আমেৰিকাৰ মুদ্ৰাত স্বাক্ষৰ কৰিব। আমেৰিকাৰ কোষাগাৰ বিভাগৰ তথ্য অনুসৰি দেশৰ স্বাধীনতাৰ ২৫০ বছৰীয়া জয়ন্তী উপলক্ষে এই নতুন নোটসমূহ জাৰি কৰা হ’ব।
এই পৰিৱৰ্তনক বিশেষ আৰু ঐতিহাসিক বুলি গণ্য কৰা হৈছে। আন এটা ডাঙৰ পৰিৱৰ্তন হ’ল আমেৰিকাৰ কোষাধ্যক্ষৰ স্বাক্ষৰ আৰু আমেৰিকান নোটত নাথাকিব। কোষাধ্যক্ষৰ স্বাক্ষৰ নোটত থকা প্ৰায় ১৬৫ বছৰ হ’ল যদিও এতিয়া ইয়াক আঁতৰাই পেলোৱা হৈছে। কোষাধ্যক্ষৰ কাম আমেৰিকাৰ মুদ্ৰা ব্যৱস্থাৰ সৈতে জড়িত আৰু তেওঁ ব্যুৰো অৱ এনগ্ৰেভিং এণ্ড প্ৰিণ্টিং আৰু আমেৰিকাৰ মিণ্টৰ দৰে প্ৰতিষ্ঠানৰ তদাৰক কৰে।মধ
