চামগুৰি বিধান সভা সমষ্টিত AIUDF ৰ বিশাল নিৰ্বাচনী সভা অনুষ্ঠিত হয়। পিছে ৩১ মাৰ্চৰ দিনটোত অনুষ্ঠিত হোৱা এই নিৰ্বাচনী সভাত হঠাতে সৃষ্টি হয় হাহাকাৰময় পৰিস্থিতিৰ। বহু সময় ঘৰি উৰি উৰিও হেলিপেডত অৱতৰণ কৰিব নোৱাৰিলে হেলিকপ্তাৰে।
চামগুৰি বিধান সভা সমষ্টিৰ AIUDF ৰ মনোনীত প্ৰাৰ্থী আব্দুল আজিজৰ হৈ নিৰ্বাচনী প্ৰচাৰ চলাবলৈ গৈছিল AIUDF প্ৰধান বদৰুদ্দিন আজমলে। নিৰ্বাচনী প্ৰচাৰৰ বাবে কাৱৈমাৰী উচ্চতৰ মাধ্যমিক বিদ্যালয়ৰ খেলপথাৰত উপস্থিত হৈও কাৰিকৰী বিজুতিৰ বাবে বদৰুদ্দিন আজমলৰ হেলিকপ্তাৰখন অৱৰতণ কৰিব নোৱাৰিলে।
যাৰ বাবে সভাথলীৰ ওপৰতে ঘূৰাই ঘূৰাই পুনৰ উৰা মাৰে বদৰুদ্দিন আজমলে উঠি অহা হেলিকপ্তাৰ। হেলিকপ্তাৰখন অৱতৰণ কৰিব নোৱাৰি মোবাইল ফোনৰ জৰিয়তে ৰাইজক উদ্দেশ্যি বদৰুদ্দিন আজমলে আব্দুল আজিজক ভোট প্ৰদান কৰিবলৈ অনুৰোধ জনায়।
এই বিষয়ত আব্দুল আজিজে কয় যে, এয়া এজন ইঞ্জিনিয়াৰৰ কাম। তেওঁৰ মতে ইঞ্জিনিয়াৰক নিশ্চয় কোনোবাই মোটা অংকৰ ধন দিছিল, যাৰ বাবে এই হেলিকপ্টাৰখন নমাবলৈ সক্ষম নহয়। এয়া এক ষড়যন্ত্ৰ। এই ষড়যন্ত্ৰৰ আঁৰত এগৰাকী নেতা জড়িত হৈ আছে বুলি কয় আব্দুল আজিজে।
