বজালীৰ ভৱানীপুৰত শোকাৱহ পথ দুৰ্ঘটনা। নলবাৰীৰ পৰা ৰাস চাই ঘৰলৈ উভটি অহাৰ সময়তে প্ৰাণ যায় ৫গৰাকী যুৱকৰ লগতে আহত হয় ২ গৰাকী যুৱক।
ভৱানীপুৰ আঞ্চলিক মহাবিদ্যালয়ৰ সন্মুখৰে গৈ থকা ট্ৰাকৰ পিছফালে এখন মাৰুতি ভানে প্ৰচণ্ড জোৰে খুন্দা মৰাৰ ফলত সংঘটিত হয় এই দুৰ্ঘটনা।
প্ৰাণ হেৰুওৱা যুৱক কেইগৰাকীৰ ভিতৰত আছিল ক্ৰমে আচিচ হাবিব খান,মিজানুৰ ৰহমান,মনিৰুল হক,নাজিবুদ্দিন খান আৰু ৰয়েল খান।
ইতিমধ্যে আহত দুগৰাকীৰ এগৰাকীক উন্নত চিকিৎসাৰ বাবে বৰপেটা মেডিকেল কলেজ আৰু গুৱাহাটী মেডিকেল কলেজলৈ প্ৰেৰণ কৰা হৈছে। এই যুৱককেইজনৰ আটাইকেইগৰাকীৰ ঘৰ বৰপেটাৰ ধানবন্ধা আৰু জ্যোতিকুছিত বুলি জানিব পৰা গৈছে।
