বাংলাদেশত মহম্মদ ইউনুছ নেতৃত্বাধীন চৰকাৰৰ অধীনত হিন্দুসকলৰ বিৰুদ্ধে হিংসা আৰু হাৰাশাস্তিৰ গোচৰ ধাৰাবাহিকভাৱে চৰ্চালৈ আহিছে। উচ্চ ন্যায়ালয়ে বাংলাদেশত ইস্কনক নিষিদ্ধ কৰিবলৈ অস্বীকাৰ কৰিলেও ইয়াৰ ওপৰত এতিয়াও সংকটৰ ডাৱৰে আগুৰি আছে। মৌলবাদীৰ হেঁচাত কাম কৰি থকা অন্তৱৰ্তীকালীন চৰকাৰৰ সময়ত ইস্কনৰ বিৰুদ্ধে বৃহৎ ব্যৱস্থা গ্ৰহণ কৰা হৈছে।
শেহতীয়াকৈ বাংলাদেশ বেংক বিতৰ্কত বিত্তীয় চোৰাংচোৱা ইউনিটে গ্ৰেপ্তাৰ হোৱা হিন্দু সাধু চিন্ময় কৃষ্ণ দাস আৰু ইস্কনৰ ১৬ জন সদস্যৰ বিৰুদ্ধে বৃহৎ ব্যৱস্থা গ্ৰহণ কৰিছে।
সন্মিলিত সনাতনী জাগৰণ জোঁটৰ মুখপাত্ৰ চিন্ময় কৃষ্ণ দাস আৰু ইস্কনৰ ১৬ জন সদস্যৰ বেংক একাউণ্ট জব্দ কৰা হৈছে। বাংলাদেশ বেংকৰ বিত্তীয় চোৰাংচোৱা ইউনিটে এই সন্দৰ্ভত দেশৰ বেংক আৰু বিত্তীয় প্ৰতিষ্ঠানলৈ নিৰ্দেশনা প্ৰেৰণ কৰিছে। বিএফআইইউৰ এগৰাকী জ্যেষ্ঠ বিষয়াই এই কথা নিশ্চিত কৰিছে।
সমগ্ৰ দেশৰ বেংকসমূহলৈ প্ৰেৰণ কৰা পত্ৰখনত কোৱা হৈছে যে- যিসকল লোকৰ একাউণ্ট জব্দ কৰা হৈছে তেওঁলোকৰ সৈতে জড়িত সকলো ব্যৱসায়িক প্ৰতিষ্ঠানৰ বেংক একাউন্ট স্থগিত ৰখা হ’ব। এই নিৰ্দেশ অনুসৰি, অহা ৩০ দিনলৈ এইসকল লোকৰ কোনোৱেই কোনো ধৰণৰ লেনদেন কৰিব নোৱাৰিব। প্ৰয়োজন হ’লে লেনদেন স্থগিত ৰখাৰ এই সময়সীমা বৃদ্ধি কৰা হ’ব বুলি বিএফআইইউৱে জনাইছে।
ইস্কনৰ ১৬ জন লোকৰ বেংক একাউণ্ট জব্দ
চিন্ময় কৃষ্ণ দাসৰ উপৰিও ইস্কন বাংলাদেশৰ ১৬ জন সদস্যৰ বেংক একাউণ্টৰ একাউণ্ট জব্দ কৰা হৈছে- কাৰ্তিক চন্দ্ৰ দে, অনিক পাল, সৰোজ ৰায়, সুশান্ত দাস, বিশ্ব কুমাৰ সিং, চণ্ডীদাস বালা, জয়দেৱ কৰ্মকাৰ, লিপি ৰাণী কৰ্মকাৰ, সুধামা গৌৰ .আৰ। ইয়াৰ উপৰিও লক্ষ্মণ কান্তি দাস, প্ৰিয়তোষ দাস, ৰূপন দাস, ৰূপন কুমাৰ ধৰ, আশীষ পুৰোহিত, জগদীশ চন্দ্ৰ অধিকাৰী আৰু সজল দাসৰ একাউন্টো জব্দ কৰা হৈছে।
লেনদেন স্থগিত ৰখাৰ এই আদেশত ধন সৰবৰাহৰ প্ৰতিৰোধ আইনৰ বিধান প্ৰযোজ্য হ’ব বুলি বিএফআইইউৱে জনাইছে। বিত্তীয় চোৰাংচোৱা ইউনিটৰ পৰা অহা পত্ৰখনত যিসকলৰ একাউণ্ট স্থগিত ৰখা হৈছে তেওঁলোকৰ নাম আৰু ৰাষ্ট্ৰীয় পৰিচয় পত্ৰ সন্নিবিষ্ট কৰা হৈছে। বেংক আৰু বিত্তীয় প্ৰতিষ্ঠানলৈ প্ৰেৰণ
