ডিমা হাছাওৰ উমৰাংছ’ৰ তিনি কিলো কয়লাখনিত সংঘটিত ভয়ংকৰ ঘটনাটোত আৱদ্ধ হৈ পৰা শ্ৰমিকক আজিও উদ্ধাৰ কৰিবলৈ সক্ষম হোৱা নাই। উদ্ধাৰকাৰী দলে এই পৰ্যন্ত চাৰিজন শ্ৰমিকৰহে দেহ উদ্ধাৰ কৰিছে।
কয়লা খনিটোত আৰু কিমানজন শ্ৰমিক আৱদ্ধ হৈ আছে তাৰ নিৰ্দিষ্ট তথ্য চৰকাৰৰ হাতত নাই যদিও এ ডি আৰ এফ, এছ ডি আৰ এফৰ লগতে বহিঃৰাজ্যৰ পৰা অহা বিশেষজ্ঞৰ দলে নিৰবচ্ছিন্নভাৱে উদ্ধাৰ অভিযান অব্যাহত ৰাখিছে।
এই কয়লাখনিটোত ঘটা অঘটনৰ পিছৰে পৰা ৰাজ্যৰ বিৰোধী ৰাজনৈতিক দলসমূহে সৰ্বোচ্চ ন্যায়ালয়ৰ নিৰ্দেশ অমান্য কৰি কেনেদৰে খনন কাৰ্য চলাই আছে তাক লৈ প্ৰশ্ন উত্থাপন কৰে।
বিৰোধী দলসমূহে উমৰাংছ’ত থকা কয়লাখনিসমূহত অবৈধভাৱে খনন চলাই থকাৰ অভিযোগ উত্থাপন কৰাৰ লগতে ডিমা হাছাওৰ ৰাজপথত হাজাৰ-হাজাৰ বিজেপি নেতা-কৰ্মীয়ে ইয়াৰ বিৰুদ্ধে সাব্যস্ত কৰিছে উত্তাল প্ৰতিবাদ।
এই প্ৰতিবাদৰ কাৰণ দেৱলাল গাৰ্লোছা। অভিযোগ উঠিছে ডিমা হাছাওত চলি থকা অবৈধ কয়লা খনন। আৰু এই অবৈধ কয়লাক লৈ গঢ়ি উঠা ভয়ংকৰ ছিণ্ডিকেটৰ আঁৰৰ মূল ব্যক্তিজন স্বয়ং উত্তৰ কাছাৰ পাৰ্বত্য স্বায়ত্ব শাসিত পৰিষদৰ মুখ্য কাৰ্যবাহী সদস্য দেৱলাল গাৰ্লোছা আৰু তেওঁৰ পত্নী মণিকা গাৰ্লোছা বুলি খোদ বিজেপিৰ নেতা-কৰ্মীয়ে অভিযোগ উত্থাপন কৰিছে।
ৰাজ্য জোঁকাৰি যোৱা এই ঘটনাৰ পিছত গাৰ্লোছা সম্পতিৰ বিৰুদ্ধে উমৰাংছ’ থানাত গোচৰ ৰুজু হৈছে। ইয়াৰ সমান্তৰালকৈ নেচনেল গ্ৰীণ ট্ৰিবিউনেলতো সুকীয়াকৈ গোচৰ ৰুজু কৰিছে গাৰ্লোছা দম্পতিৰ বিৰুদ্ধে।
ন্যায়ালয়ৰ নিৰ্দেশনা উলংঘা কৰি দীৰ্ঘবছৰ ধৰি অবৈধভাৱে ৰেট-হ’ল মাইনিং চলাই নিয়া গাৰ্লোছা দম্পতিৰ বিৰুদ্ধে কঠোৰ ব্যৱস্থা গ্ৰহণ কৰাৰ দাবী উত্থাপন কৰিছে।
উমৰাংছ’ থানাৰ লগতে নেচনেল গ্ৰীণ ট্ৰিবিউনেলত দাখিল কৰা এজাহাৰত দেৱলাল গাৰ্লোছাৰ পত্নী কণিকা গাৰ্লোছা আৰু তেওঁৰ সহযোগীসকলৰ বিৰুদ্ধে গোচৰ ৰুজু কৰি উচিত শাস্তি প্ৰদানৰ দাবী জনায়।
