২০০৫ চনত মেলানিয়া ট্ৰাম্প আৰু ড’নাল্ড ট্ৰাম্পৰ সম্পন্ন হয় বিবাহ। দ্বিতীয়বাৰৰ বাবে ফাৰ্ষ্ট লেডী হিচাপে হোৱাইট হাউছত প্ৰৱেশ কৰিবলৈ ওলাইছে মেলানিয়া। শ্লোভেনিয়াত জন্মগ্ৰহণ কৰা মেলানিয়া পূৰ্বে এগৰাকী ফেশ্বন মডেল আছিল। মেলানিয়াই আন ফাৰ্ষ্ট লেডীতকৈ ৰাজহুৱা অনুষ্ঠানত অংশ ল’বলৈ বেছি পছন্দ নকৰে।
অলপতে অনুষ্ঠিত হৈ যোৱা আমেৰিকাৰ ৰাষ্ট্ৰপতি নিৰ্বাচনৰ সময়তো তেওঁক ট্ৰাম্পৰ নিৰ্বাচনী প্ৰচাৰতো কমকৈ দেখা গৈছিল।
৪৭ বছৰীয়া ড’নাল্ড ট্ৰাম্প জুনিয়ৰ ৰাষ্ট্ৰপতি ট্ৰাম্পৰ জ্যেষ্ঠ পুত্ৰ। তেওঁক ডন জুনিয়ৰ ৰূপেও জনা যায়। ট্ৰাম্প জুনিয়ৰ হৈছে ড’নাল্ড ট্ৰাম্পৰ প্ৰথমা পত্নী ইভানা ট্ৰাম্পৰ পুত্ৰ।
ইভাংকা ট্ৰাম্প ড’নাল্ড ট্ৰাম্পৰ জ্যেষ্ঠ কন্যা। হোৱাইট হাউছ এৰি যোৱাৰ পিছৰে পৰা তেওঁ ৰাজনীতিৰ পৰা বহুলাংশে আঁতৰি আছে। পিতৃৰ প্ৰথম কাৰ্যকালত শীৰ্ষ উপদেষ্টা হিচাপে কাৰ্যনিৰ্বাহ কৰিছিল। শেহতীয়াকৈ ইভাংকাই প’ডকাষ্টৰ সময়ত কৈছিল যে তেওঁ ৰাজনীতিৰ পৰা আঁতৰি থাকিব বিচাৰে।
৪১ বছৰীয়া এৰিক ট্ৰাম্প ড’নাল্ড ট্ৰাম্প আৰু ইভানা ট্ৰাম্পৰ তৃতীয় পুত্ৰ। দ্বিতীয় কাৰ্যকালত তেওঁ পিতৃৰ অনানুষ্ঠানিক উপদেষ্টা হিচাপে কাৰ্যনিৰ্বাহ কৰিব। ড’নাল্ড ট্ৰাম্পৰ ৰেলীত এৰিক ট্ৰাম্পক প্ৰায়ে দেখা গৈছিল। এৰিক ট্ৰাম্পৰ পত্নী লাৰা ট্ৰাম্প এগৰাকী পপ গায়িকা।
ড’নাল্ড ট্ৰাম্প আৰু তেওঁৰ দ্বিতীয় পত্নী মাৰ্লা মেপলছৰ একমাত্ৰ সন্তান টিফনী ট্ৰাম্প। ৩১ বছৰীয়া টিফনী ট্ৰাম্পৰ প্ৰথম কাৰ্যকালত চৰ্চাত নাছিল। ৰাজহুৱা স্থানত খুউব কমকৈ দেখা পোৱা গৈছিল তেওঁক। বৰ্তমান টিফনী গৰ্ভৱতী। তেওঁৰ স্বামী মাইকেল বাউলছ।
ড’নাল্ড ট্ৰাম্প আৰু তেওঁৰ তৃতীয় পত্নী মেলানিয়া ট্ৰাম্পৰ একমাত্ৰ সন্তান বেৰন ট্ৰাম্প। ২০০৬ চনৰ ২০ মাৰ্চত জন্মগ্ৰহণ কৰিছিল। প্ৰথম কাৰ্যকালত বেৰন ট্ৰাম্পৰ বয়স আছিল ১১ বছৰ। বেৰনৰ বয়স এতিয়া ১৮ বছৰ।
উল্লেখ্য যে দ্বিতীয়বাৰৰ বাবে ৰাষ্ট্ৰপতি হিচাপে নিৰ্বাচিত হোৱা ড’নাল্ড ট্ৰাম্পে ২০ জানুৱাৰীত আমেৰিকাৰ ৪৭ সংখ্যক ৰাষ্ট্ৰপতি হিচাপে শপত ল’ব।
