মনত অলেখ সপোন পুহি ৰখা চফল যুৱক জিজ্ঞাস আৰু সঞ্জয় কেতিয়াও আৰু ঘৰলৈ ঘূৰি নাহে। এক ভয়ংকৰ দুৰ্ঘটনাত প্ৰাণ গ’ল জিজ্ঞাস আৰু সঞ্জয় বৰাৰ।
মাজনিশা দেৰগাঁৱৰ ফুকন নগৰত থকা ১১ হাজাৰ বিদ্যুতৰ খুটাত প্ৰচণ্ড জোৰে বাইকৰ খুন্দাৰ পিছতে থিতাতে নিহত হয় জিজ্ঞাস। অতি সংকটজনক অৱস্থাত সঞ্জয় বৰাক লৈ যোৱা হয় যদিও দেৰগাঁও অসামৰিক চিকিৎসালয়ত মৃত্যু হয় সঞ্জয় ফুকনৰ। দুয়োজনে চলাই যোৱা বাইকখনৰ নাছিল কোনো নম্বৰপ্লেট। জিজ্ঞাস আৰু সঞ্জয়ৰ ঘৰ দেৰগাঁৱৰ সমীপৰ আফুৱা গাঁৱত।
দ্ৰুতবেগে অহাৰ বাবেই এই ভয়ংকৰ দুৰ্ঘটনা সংঘটিত হয় বুলি স্থানীয় ৰাইজে জানিবলৈ দিছে। দুয়োজন যুৱকৰ মৃত্যুৰ খবৰে সমগ্ৰ অঞ্চলতে পেলাইছে শোকৰ ছাঁ। দুৰ্ঘটনাটো ইমানেই ভয়ংকৰ আছিল যে থিতাতে নিহত হয় জিজ্ঞাস।
