অহা ২২ ছেপ্তেম্বৰত অসমৰ পাঁচখন জিলাত ৰাজহুৱা বন্ধ ঘোষণা কৰিছে অসম চৰকাৰে। বিটিচি নিৰ্বাচনৰ বাবে কোকৰাঝাৰ, চিৰাং, ওদালগুৰি, তামুলপুৰ আৰু বাক্সা জিলাত ৰাজহুৱা বন্ধ ঘোষণা কৰিছে ৰাজ্য চৰকাৰে।
জাৰি কৰা চৰকাৰী অধিসূচনাত কোৱা হৈছে যে এই দিনটোত সকলো চৰকাৰী-বেচৰকাৰী কাৰ্যালয়, শিক্ষা প্ৰতিষ্ঠান, বেংক, চাহ বাগান আৰু ব্যৱসায়িক প্ৰতিষ্ঠানসমূহ বন্ধ থাকিব।
উল্লেখ্য যে, অহা ২২ ছেপ্তেম্বৰত পুৱা ৭.৩০ বজাৰ পৰা বিয়লি ৪ বজালৈ হ’বলগীয়া ভোটগ্রহণত মুঠ ২৬,৫৭,৯৩৭ গৰাকী ভোটাৰে ভোটাধিকাৰ সাব্যস্ত কৰিব। মুঠ ভোটাৰৰ ভিতৰত ১৩,২৩,৩৯৯ গৰাকী পুৰুষ ভোটাৰ আৰু ১৩,৩৪,৫২১ গৰাকী মহিলা ভোটাৰ।
উল্লেখ্য যে, মুঠ ৪০টা পৰিষদীয় সমষ্টিত অনুষ্ঠিত হ’ব নিৰ্বাচন। ইয়াৰে ৩০টা সমষ্টি অনুসূচিত জনজাতিৰ বাবে সংৰক্ষিত। ৫টা সমষ্টি সংৰক্ষিত অজনজাতীয় লোকৰ বাবে। অন্য ৫টা সমষ্টি সকলো জনগোষ্ঠীয় লোকৰ বাবে মুকলি।
