K-Drama হৈছে দক্ষিণ কোৰিয়াৰ এক জনপ্ৰিয় দূৰদৰ্শন অনুষ্ঠান। এই অনুষ্ঠান ১৯৬০ দশকৰ আৰম্ভণিতে প্ৰযোজনা কৰা হৈছিল। এই অনুষ্ঠানটোৱে কেৱল দক্ষিণ কোৰিয়াতেই নহয় বিশ্বজুৰি লাখ-লাখ দৰ্শকৰ জনপ্ৰিয়তা অৰ্জন কৰিবলৈ সক্ষম হৈছে।
খবৰ অনুসৰি, উত্তৰ কোৰিয়াৰ প্ৰশাসনে K-Drama উপভোগ কৰাৰ বাবে ৩০গৰাকীকৈ শিশুক মৃত্যুদণ্ড প্ৰদান কৰিছে।
১৯৫৩ চনৰ তিনি বছৰীয়া যুদ্ধৰ অন্তত শান্তি প্ৰতিষ্ঠা হোৱাৰ পাছতো বৰ্তমানেও উত্তৰ কোৰিয়া আৰু দক্ষিণ কোৰিয়াৰ মাজত আনুষ্ঠানিকভাৱে যুদ্ধৰ অন্ত পৰা নাই। এই বছৰৰ আৰম্ভণিতে, উত্তৰ কোৰিয়াৰ শাসক কিম জন উনে দক্ষিণ কোৰিয়াক শাসনৰ প্ৰধান শত্ৰু হিচাপে গণ্য কৰিছে।
দক্ষিণ কোৰিয়া হৈছে আধুনিক গণতন্ত্ৰ, যিয়ে সমগ্ৰ বিশ্বক বৈদ্যুতিক উদ্যোগৰ লগত পৰিচয় কৰাই দিছে, ইফালে উত্তৰ কোৰিয়া হৈছে সৰ্বাধিনায়ক সাম্যবাদী একনায়কত্ববাদী স্বৈৰশাসন ব্যৱস্থা য’ত সাধাৰণ জনতাৰ জীৱন ধাৰণৰ মানদণ্ড অত্যন্ত নিম্নস্তৰৰ।
এনেধৰণৰ শত্ৰুতাৰ মাজত, উত্তৰ কোৰিয়াত দক্ষিণ কোৰিয়াৰ মনোৰঞ্জৰ সমল উপভোগ কৰাটো অবৈধ। যদিও উত্তৰ কোৰিয়াত K-Drama সম্প্ৰচাৰ কৰাটো অবৈধ, তথাপিও সেইবোৰ চোৰাংভাৱে লৈ তাৰ সাধাৰণ জনতাই বিশেষকৈ শিশু তথা কিশোৰসকলে সেইবোৰ উপভোগ কৰে।
দক্ষিণ কোৰিয়াৰ সংবাদ মাধ্যম চুজন টিভি আৰু কোৰিয়া জুনআং টিভিৰ প্ৰতিবেদন অনুসৰি, উত্তৰ কোৰিয়াই K-Drama উপভোগ কৰাৰ বাবে ৩০গৰাকীকৈ শিশুক মৃত্যুদণ্ড প্ৰদান কৰে। অৱশ্যে এই দাবীক স্বতন্ত্ৰভাৱে প্ৰমাণিত কৰিব নোৱাৰি।
যদিও দক্ষিণ কোৰিয়াৰ বিষয়াসকলে এই দাবী সন্দৰ্ভত কোনো পোনপটীয়া মন্তব্য কৰা নাই, তথাপি কোৰিয়া জুনআং টিভিয়ে দক্ষিণ কোৰিয়া মন্ত্ৰালয়ৰ এগৰাকী বিষয়াৰ উদ্ধৃতি দি কয় যে, উত্তৰ কোৰিয়া কৰ্তৃপক্ষই এক কঠোৰ আইন প্ৰণয়ণ কৰি দেশৰ সাধাৰণ জনতাক শাসন কৰাৰ চেষ্টা চলাই আহিছে।
ইয়াৰ উপৰি জনপ্ৰিয় সংবাদ মাধ্যম বিবিচিৰ প্ৰতিবেদন অনুসৰি, পূৰ্বতেও K-Pop উপভোগ কৰাৰ বাবে উত্তৰ কোৰিয়াৰ প্ৰশাসনে ১২ গৰাকীকৈ কিশোৰক সশ্ৰম কাৰাদণ্ড বিহিছিল।
