মধ্যপ্ৰদেশৰ ৰায়সেন জিলাত মানৱ সভ্যতাক লজ্জানত কৰা এক জঘন্য ঘটনা পোহৰলৈ আহিছে। ছিলৱানীত এগৰাকী পিতৃয়ে কেইবামাহো ধৰি নিজৰ ১৩ বছৰীয়া নাবালিকাৰ সৈতে সংঘটিত কৰিলে এক ভয়ংকৰ ঘটনা।
যেতিয়া নাবালিকাগৰাকীৰ স্বাস্থ্যৰ অৱনতি ঘটে, তেতিয়া তেওঁৰ মাতৃয়ে তেওঁক চিকিৎসালয়লৈ লৈ যায়, তাৰ পিছতেই পোহৰলৈ আহে এই ঘটনা। চিকিৎসকে স্বাস্থ্য পৰীক্ষা কৰি নাবালিকাগৰাকী ৫ মাহৰ গৰ্ভৱতী বুলি জানিবলৈ দিয়ে। অতি সংকটজনক অৱস্থাত এই দুৰ্ভগীয়া নাবালিকাগৰাকীক ৰায়সেন জিলা চিকিৎসালয়লৈ প্ৰেৰণ কৰা হৈছে। এই জঘন্য অপৰাধ সংঘটিত কৰা ৪০ বছৰীয়া পিতৃৰ বিৰুদ্ধে ইতিমধ্যে গোচৰ ৰুজু কৰা হৈছে।
দৰাচলতে ৰায়সেনৰ ছিলৱানী তহচিলৰ বামহোৰীৰ গাঁৱত এগৰাকী ৪০ বছৰীয়া পিতৃয়ে ভয়ংকৰ কাণ্ড সংঘটিত কৰিলে সতীয়া জীয়ৰীৰ সৈতে। তথ্য অনুসৰি, ৪০ বছৰীয়া এইগৰাকী পিতৃয়ে বিগত কেইবামাহো ধৰি ১৩ বছৰীয়া নাবালিকাৰ সৈতে অপকৰ্ম সংঘটিত কৰি আহিছিল। এই সমগ্ৰ ঘটনা পোহৰলৈ অহাৰ পিছত অভিযুক্ত পিতৃৰ বিৰুদ্ধে ছিলৱানী তহচিলৰ বামহোৰী থানাত ৰুজু হৈছে অপকৰ্মৰ গোচৰ।
