সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
জ্যেষ্ঠ নেতাৰ দল ত্যাগত বিড়ম্বনা কংগ্ৰেছত। কংগ্ৰেছে আকৌ সলনি কৰিব লাগিব নিৰ্বাচনী বেনাৰ, পোষ্টাৰ, হ’ৰ্ডিং। প্ৰদ্যুৎ বৰদলৈৰ দলত্যাগৰ পাছতে বেকফুটত কংগ্ৰেছ। কংগ্ৰেছ দল ত্যাগৰ পাছতেই অমিত শ্বাহক সাক্ষাৎ প্ৰদ্যুৎ বৰদলৈৰ।
মাহোবাত এজন যুৱকে এগৰাকী মহিলাৰ অশ্লীল ভিডিঅ’ বনাই ভাইৰেল কৰে। ইয়াৰ ফলত মহিলাগৰাকীয়ে লজ্জানত হৈ ভয়ংকৰ সিদ্ধান্ত হয়। সন্দেহজনক পৰিস্থিতিত মহিলাগৰাকীৰ মৃত্যুৰ পিছতেই ৰে’লপথত উদ্ধাৰ হয় মৃতদেহ। পৰিয়ালৰ লোকে অভিযোগ কৰে যে যুৱকজনে মহিলাগৰাকীৰ অশ্লীল ভিডিঅ’ বনাই ছ’চিয়েল মিডিয়াত ভাইৰেল কৰি মহিলাগৰাকীক আঘাতপ্ৰাপ্ত কৰি এই কঠোৰ পদক্ষেপ গ্ৰহণ কৰিছিল।
মধ্যপ্ৰাচ্যত যুদ্ধ অব্যাহত আছে। ১৭ মাৰ্চত আমেৰিকাৰ চেণ্ট্ৰেল কমাণ্ডে ঘোষণা কৰে যে, আমেৰিকাই হৰমুজ জলদ্বীপৰ নিয়ন্ত্ৰণ লাভৰ প্ৰচেষ্টাত এক বৃহৎ পদক্ষেপ গ্ৰহণ কৰিছে। ইৰাণৰ উপকূলৰ ক্ষেপণাস্ত্ৰ ঘাটিত আমেৰিকাৰ সেনাই তীব্ৰ বোমা বিস্ফোৰণৰ আক্ৰমণ চলাইছে। আমেৰিকাৰ সেনাবাহিনীৰ মতে, এই ঘাটিসমূহত নিয়োজিত ইৰাণৰ জাহাজ বিৰোধী ক্ষেপণাস্ত্ৰই এই জলপথৰ মাজেৰে পাৰ হৈ যোৱা জাহাজসমূহৰ বাবে ভাবুকি কঢ়িয়াই আনিছিল, যাৰ বাবেই এই ব্যৱস্থা গ্ৰহণ কৰা হৈছিল।
