৩০ মিনিটৰ যাত্ৰা মাত্ৰ ১০ মিনিটতে সম্পন্ন হ’ব। অতি দ্ৰুত সেৱা দিয়াৰ বাবে সাজু হৈছে ভাৰত চৰকাৰ। মহানগৰী সমূহত বন্দে মেট্ৰ’ চলোৱাৰ বাবে এখোজ আগবাঢ়িছে কেন্দ্ৰ।
বন্দে ভাৰত এক্সপ্ৰেছৰ সফলতাৰ পিছত এইবাৰ আহিব বন্দে মেট্ৰ’ সেৱা। ইখন চহৰৰ পৰা সিখন চহৰলৈ এঘণ্টাৰ পৰিবৰ্তে ২০ মিনিটতে যাব পাৰিব যাত্ৰী। প্ৰতিখন চহৰত বন্দে মেট্ৰ’সেৱা শীঘ্ৰেই আৰম্ভ কৰাৰ লক্ষ্য বান্ধি লৈছে ভাৰত চৰকাৰে।
কম দূৰৈৰ যাত্ৰা মিনিটতে সম্পন্ন কৰাৰ বাবে সাজু হৈছে কেন্দ্ৰ। আৰামদায়ক যাত্ৰা যাতে যাত্ৰীয়ে লাভ কৰে তাৰ বাবে বাবে বন্দে মেট্ৰ’ত থাকিব বহু সুবিধা। প্ৰতি ঘণ্টাত ১৩০ কিলোমিটাৰ বেগেৰে যাত্ৰা কৰিব। সা-সামগ্ৰী ৰাখিবলৈ অত্যাধুনিক শৈলীৰ বাকচ তৈয়াৰ কৰিছে বিভাগে।
প্ৰতিটো ডবাতে ষ্টেশ্যনৰ নাম, কোচ নম্বৰ, সকলো তথ্য LCDৰ জড়িয়তে প্ৰদৰ্শন কৰা হ’ব। বন্দে মেট্ৰ’ৰ দুৱাৰকে ধৰি সকলোবোৰ স্বয়ংক্ৰিয় হ’ব। ভয়ানক দুৰ্ঘটনাৰ পৰা ৰক্ষা পাবলৈ বন্দে মেট্ৰ’ত সংস্থাপন কৰা হৈছে KAVACH নামৰ এক ব্যৱস্থা। ১০০জন যাত্ৰী বহিব পৰা আৰামদায়ক আসন থাকিব বন্দে মেট্ৰ’ত। বন্দে মেট্ৰ’ৰ নতুন ডিজাইৰ ডবাসমূহৰ কেইখনমান আলোকচিত্ৰ।
