কাৰ্টনে কাৰ্টনে জব্দ কৰা হৈছে বিলাতী সুৰা। এটা-দুটা কাৰ্টন নহয় ৪৫৩ টা বিলাতী সুৰাৰ কাৰ্টন জব্দ কৰিছে আৰক্ষীয়ে।
দক্ষিণ শালমৰাৰ ফকিৰগঞ্জ আৰক্ষীয়ে জব্দ কৰিলে বৃহৎ পৰিমানৰ বিলাতী সুৰা। নিশা ফকিৰগঞ্জ আৰক্ষীয়ে জব্দ কৰিলে এই বৃহৎ পৰিমানৰ সুৰাখিনি।
এক গোপন খবৰৰ ভিত্তিত ফকিৰগঞ্জ থানাৰ ভাৰপ্ৰাপ্ত আৰক্ষী বিষয়া কুন্দন ৰবি দাসৰ নেতৃত্বত উপ-পৰিদৰ্শক নজিৰুল ইছলাম আৰু নুৰ হুছেইনে ২৬ নং অসম আৰক্ষী বাহিনীক লগত লৈ অভিযান চলাই ফলিমাৰিৰ পৰা।
আৰক্ষীৰ দলটোৰ অভিযানত এখন বাহনৰ পৰা ৪৫৩ কাৰ্টন বিলাতী সুৰা জব্দ কৰে। লগতে, গাড়ী চালক জনক আটক কৰে আৰক্ষীয়ে। আটকাধীন লোকজনৰ নাম ইছামুদ্দি বুলি জানিব পৰা গৈছে।
উল্লেখ্য যে, সুৰাভৰ্তি বাহনখন ফকিৰগঞ্জ অভিমুখে গৈ থকাৰ সময়ত আৰক্ষীয়ে জব্দ কৰিবলৈ সক্ষম হয়। আৰক্ষীয়ে ইতিমধ্যে ঘটনা সন্দৰ্ভত তদন্ত আৰম্ভ কৰিছে।
