বাহন চলাওতে টোপনি আহিলে ৩ ছেকেণ্ডতে সাৰ পাব। আপোনাৰ যদি বাহন চলাওতে সঘনে টোপনি আহে তেন্তে এতিয়াৰে পৰা চিন্তাৰ কাৰণ নাই। কলিয়াবৰৰ দুজন যুৱকে সাজি উলিয়াইছে বিশেষ চশমা। এই বিশেষ চশমাই ৩ ছেকেণ্ডতে ভাঙিব টোপনি। দশম শ্ৰেণীৰ দুজন ছাত্ৰই উদ্ভাৱন কৰিছে এই বিশেষ চশমা। এই চশমা পিন্ধি বাহন চলালে যদি টোপনি আহে তেন্তে চশমাজোৰে সাৰ পোৱাই দিব আপোনাক।
ভয়ানক দুৰ্ঘটনাৰ পৰা চশমাজোৰৰ বাবেই ৰক্ষা পৰিব। টোপনি আহিলেই চশমাত থকা ছেনছৰে লগে লগে দিব এলাৰ্ম। এলাৰ্ম বজাৰ লগে লগে সাৰ পাব আপুনি। টোপনি আহিলে মাত্ৰ ৩ ছেকেণ্ডতে বাজি উঠিব চশমজোৰৰ লগত সংযুক্ত হৈ থকা ছাইৰেণ। চশমাজোৰত সংযুক্ত হৈ আছে বেটাৰী আৰু ছেনছৰ। কলিয়াবৰৰ মিছা উচ্চ মাধ্যমিক বিদ্যালয়ৰ দশম শ্ৰেণীৰ ছাত্ৰ কৌশিক নেওগি আৰু শশাংক দাস নামৰ ছাত্ৰ দুজনে উদ্ভাৱন কৰি উলিয়াইছে চশমাজোৰ।
