জানো আঁহক ভাত কেৰেলাৰ উপকাৰী গুণবোৰ।
বাৰিষা দিনৰ এবিধ জনপ্ৰিয় পাচলি হৈছে ভাতকেৰেলা। ই এনে এবিধ পাচলি যাক পৃথিৱীৰ আটাইতকৈ বেছি ঔষধি গুণ সম্পন্ন পাচলি বুলি কোৱা হয়। শৰীৰত ফাইবাৰৰ অভাৱ পূৰ্ণ কৰিবলৈ ভাতকেৰেলা অতিকৈ উপকাৰী। ভাৰতীয় আয়ুৰ্বেদতো ই অতি শক্তিশালী পাচলি হিচাপে স্থান লাভ কৰিছে।
ভাতকেৰেলাত থকা ফাইটোকেমিকেলবোৰ আমাৰ শৰীৰৰ বাবে যথেষ্ট উপকাৰী। ইয়াৰ উপৰি ই হৈছে ভিটামিন, খনিজ পদাৰ্থ, বিটা-কেৰাটিন আৰু এণ্টিঅক্সিডেণ্টৰ ভঁৰাল। ইয়াৰ বাহিৰেও এই পাচলিত থাকে পৰ্যাপ্ত পৰিমাণৰ আঁহ।
ভাতকেৰেলাত থকা উপাদানসমূহে আমাৰ চকুক সুস্থ কৰি ৰখাত সহায় কৰে। ইয়াৰ উপৰি নিয়মিতভাৱে এই পাচলি খালে বয়সৰ লগত জড়িত চকুৰ সমস্যাৰ পৰাও হাত সাৰিব পাৰি। ভাতকেৰেলাত থকা লুইটেইনৰ দৰে কেৰোটোনইডবোৰে হৃদৰোগ আৰু কৰ্কট ৰোধ প্ৰতিৰোধ কৰাত সহায় কৰে।
আকৌ ইয়াত থকা মোমাৰ্ডিচিন উপাদানবোৰে মধূমেহ ৰোগ ৰোধ কৰাত সহায় কৰে লগতে ওজন আৰু উচ্চ ৰক্তচাপ নিয়ন্ত্ৰণত সহায় কৰে। ইয়াত এনে কিছুমান পদাৰ্থ থাকে যিয়ে শৰীৰত সুখী হৰমনৰ পৰিমান বৃদ্ধি কৰি মানসিক চাপ ৰোধ কৰাত সহায় কৰে।
ভাতকেৰেলাত থকা এণ্টি-এলাৰ্জেণ্টে এলাৰ্জেটিক চৰ্দি আৰু কাঁহৰ পৰা সকাহ দিয়াত আৰু ইয়াক প্ৰতিৰোধ কৰাত যথেষ্ট সহায় কৰে।
গতিকে অপেক্ষা নকৰি আপোনাৰো খাদ্য তালিকাত অন্তৰ্ভূক্ত কৰক বহুগুণেৰে সমৃদ্ধ এই ভাতকেৰেলা।
