ভাৰতৰ অৰ্থনীতিৰ ওপৰত এতিয়া ড্ৰেগনৰ অশুভ নজৰত আছে। ইডি অৰ্থাৎ প্ৰৱৰ্তন সঞ্চালকালয়ে ভাৰতৰ বিৰুদ্ধে চীনৰ এই ডাঙৰ ষড়যন্ত্ৰৰ কথা প্ৰকাশ কৰিছে।
চীনে এতিয়া অনলাইন গেমিংক ইয়াৰ অস্ত্ৰ হিচাপে ব্যৱহাৰ কৰিছে। ইয়াৰ জৰিয়তে চীনে ভাৰতৰ অৰ্থনীতিক প্ৰভাৱিত কৰিব বিচাৰে। প্ৰকৃততে, ইডিয়ে অনলাইন গেমিং এপৰ বিৰুদ্ধে এক ডাঙৰ পদক্ষেপ লৈছে।
ইডিয়ে প্ৰথমবাৰৰ বাবে অনলাইন গেমিং এপ এফআইইউইনৰ সৈতে সম্পৰ্কিত চীনা নাগৰিকসকলৰ ক্ৰিপ্টো একাউণ্ট ফ্ৰীজ কৰিছে।
এক সূত্ৰই দাবী কৰিছে যে, ইডিয়ে প্ৰায় ২৫ কোটি মূল্যৰ ক্ৰিপ্টো একাউণ্ট ফ্ৰীজ কৰিছে। ইডিৰ অনুসন্ধানে এইটোও প্ৰকাশ কৰিছে যে, এই অনলাইন গেমিং এপৰ জৰিয়তে ভাৰতৰ পৰা ৪০০ কোটি টকা চীনলৈ গৈছে।
এই গোচৰটো সন্দৰ্ভত কেইদিনমান পূৰ্বে ইডিয়ে ৪জন ভাৰতীয় নাগৰিককো গ্ৰেপ্তাৰ কৰিছিল। ইডিৰ অনুসন্ধানত প্ৰকাশ পাইছে যে, ভাৰতত এই গেমিং এপৰ জৰিয়তে চীনা মূলৰ নাগৰিকসকলে ভাৰতত এক ডাঙৰ জাল পেলাই প্ৰায় ৪০০ কোটি উপাৰ্জন কৰিছিল আৰু এই ধনৰাশি চীনলৈ গৈছিল।
