শ্বেখ হাছিনাৰ পদত্যাগৰ পিছতে নবেল বঁটা বিজয়ী মহম্মদ ইউনুছৰ নেতৃত্বত এখন অন্তৱৰ্তীকালীন চৰকাৰ গঠন হ’বলৈ গৈ আছে। জানো আহক মহম্মদ ইউনুছৰ বিষয়ে কেইটামান জানিবলগীয়া কথা।
ক’ৰ পৰা অধ্যয়ন কৰিছিল মহম্মদ ইউনুছে?
ইউনুছৰ জন্ম ১৯৪০ চনৰ ২৮ জুনত তেতিয়াৰ পূব বংগৰ চিটাগঙত হৈছিল। যি পিছলৈ বাংলাদেশৰ অন্তৰ্ভুক্ত হৈছিল। মহম্মদ ইউনুছে চিটাগঙৰ এখন বিদ্যালয়ৰ পৰা প্ৰাৰম্ভিক শিক্ষা গ্ৰহণ কৰিছিল কিন্তু পিছত তেওঁ উচ্চ শিক্ষাৰ বাবে ঢাকা বিশ্ববিদ্যালয়ত অধ্যয়ন কৰিছিল।
১৯৫৭ চনত মহম্মদ ইউনুছে অৰ্থনীতিত বিএ কৰিছিল আৰু ১৯৬০ চনত তেওঁ স্নাতকোত্তৰ ডিগ্ৰীত নামভৰ্তি কৰিছিল। স্নাতকোত্তৰ ডিগ্ৰী সম্পূৰ্ণ কৰাৰ পিছত ইউনুছে গৱেষণাৰ বাবে অৰ্থনীতি ব্যুৰোত যোগদান কৰিছিল। ১৯৬৫ চনত ইউনুছে আমেৰিকা যুক্তৰাষ্ট্ৰত অধ্যয়ন কৰিবলৈ ফুলব্ৰাইট বৃত্তি লাভ কৰে। তেওঁ ১৯৬৫ চনৰ পৰা ১৯৭২ চনলৈ আৰু ১৯৬৯ চনত ভেণ্ডাৰবিল্ট বিশ্ববিদ্যালয়ত অধ্যয়ন কৰিছিল।
চিটাগং বিশ্ববিদ্যালয়ত কৰ্মজীৱন আৰম্ভণি
মহম্মদ ইউনুছ ১৯৭২ চনত চিটাগং বিশ্ববিদ্যালয়ৰ অৰ্থনীতি বিভাগৰ মুৰব্বী অধ্যাপক হিচাপে যোগদান কৰিছিল। ১৯৭৪ চনত তেওঁ দুৰ্ভিক্ষৰ সময়ত অৰ্থনৈতিক দিশবোৰ অধ্যয়ন কৰিবলৈ আৰম্ভ কৰে। ইয়াৰ পিছত তেওঁ ১৯৮৩ চনত বাংলাদেশত গ্ৰামীণ বেংকৰ আধাৰশিলা স্থাপন কৰে।
এই বেংকে মাইক্ৰ’ক্ৰেডিট প্ৰদান কৰে (দৰিদ্ৰ লোকসকলক গেৰাণ্টি অবিহনে সৰু ঋণ)। এই পদক্ষেপৰ বাবে ২০০৬ চনত ইউনুছক শান্তিৰ নবেল বঁটা প্ৰদান কৰা হয়। সেইগৰাকী লোকে এতিয়া বাংলাদেশত নেতৃত্ব দিবলৈ গৈ আছে।
বহুকেইখন গ্ৰন্থ প্ৰকাশ কৰিছে ইউনুছ
বাংলাদেশৰ দায়িত্ব ল’বলৈ যোৱা মহম্মদ ইউনুছে কেইবাখনো কিতাপ লিখি উলিয়াইছে। ইয়াৰ ভিতৰত আছে ‘সামাজিক ব্যৱসায় গঢ়ি তোলা: মানৱতাৰ আটাইতকৈ গুৰুত্বপূৰ্ণ প্ৰয়োজনীয়তা পূৰণ কৰা নতুন ধৰণৰ পুঁজিবাদ’ (২০১০) আৰু ‘এ ৱৰ্ল্ড অফ থ্ৰী জিৰোচ: দ্য নিউ ইকনমিক্স অফ জিৰো পাৱাৰ্টি, জিৰো নিবনুৱা, আৰু জিৰো নেট কাৰ্বন এমিছন’ (২০১৭)।
কেইবাটাও বঁটা আজুৰি আনিছে বিনেশ ফ’গাটে
মহম্মদ ইউনুছে কেইবাটাও সন্মান লাভ কৰিছে। যাৰ ভিতৰত আছে বাংলাদেশৰ সন্মানীয় স্বাধীনতা দিৱস বঁটা (১৯৮৭), বিশ্ব খাদ্য বঁটা (আমেৰিকা যুক্তৰাষ্ট্ৰ, ১৯৯৪ আৰু আমেৰিকা যুক্তৰাষ্ট্ৰৰ স্বাধীনতা পদক। প্ৰেচিডেন্সিয়েল মেডেল অফ ফ্ৰীডম (২০০৯) ইত্যাদি। একেদৰে, তেওঁ কিং হুছেইন মানৱতাবাদী বঁটা (জৰ্ডান, ২০০০) লাভ কৰা প্ৰথমগৰাকী লোক।
