এয়াৰ ইণ্ডিয়াৰ বি ৭৮৭-৮ ড্ৰিমলাইনাৰ বিমান মেৰামতিৰ সৈতে জড়িত ভাৰতৰ দাবী নাকচ কৰিছে তুৰস্কই।এয়া মিছা অপপ্ৰচাৰ, যিয়ে ভাৰত-তুৰস্কৰ সম্পৰ্কত প্ৰভাৱ পেলোৱাৰ প্ৰয়াস বুলি উল্লেখ কৰে তুৰস্কই।
শুকুৰবাৰে তুৰ্কী চৰকাৰৰ চেণ্টাৰ ফ’ৰ কাউণ্টাৰিং ডিচিনফৰ্মেশ্যনে এক বিবৃতিত কয় যে, আহমেদাবাদত দুৰ্ঘটনাগ্ৰস্ত হোৱা এয়াৰ ইণ্ডিয়াৰ ব’য়িং ৭৮৭-৮ ড্ৰিমলাইনাৰ বিমানখন তুৰ্কী টেকনিক নামৰ তুৰ্কী কোম্পানী এটায়ে ৰক্ষণাবেক্ষণ কৰা বুলি কোৱা কথাটো সম্পূৰ্ণ অনৰ্থক। তেওঁলোকে ইয়াক তুৰস্ক-ভাৰতৰ সম্পৰ্কত প্ৰভাৱ পেলাবলৈ বিয়পি পৰা বিভ্ৰান্তিকৰ তথ্য বুলি অভিহিত কৰে।
বিবৃতিটোত কোৱা হৈছে যে, ২০২৪ আৰু ২০২৫ চনৰ বাবে এয়াৰ ইণ্ডিয়া আৰু তুৰ্কী মেৰামতি কোম্পানীৰ মাজত হোৱা চুক্তি কেৱল বি৭৭৭ ধৰণৰ বৃহৎ বিমানৰ মাজতে সীমাবদ্ধ। দুৰ্ঘটনাটোৰ সৈতে সাক্ষাৎ কৰা বিমানখন এই চুক্তিৰ পৰিসৰৰ অন্তৰ্গত নহয়। আজিলৈকে সেই তুৰ্কী কোম্পানীটোৱে এই ধৰণৰ কোনো বিমান মেৰামতি কৰা নাই।এই কৰুণ ঘটনাত তুৰস্কই ভাৰতৰ জনসাধাৰণৰ প্ৰতি গভীৰ শোক প্ৰকাশ কৰে।
উল্লেখ্য যে, ভাৰত চৰকাৰে ১৫ মে’ত আন এটা তুৰ্কী কোম্পানীৰ নিৰাপত্তাৰ অনুমতি তাৎক্ষণিকভাৱে কাৰ্যকৰী হোৱাৰ পৰা বাতিল কৰিছিল। এই পদক্ষেপ পাকিস্তানে ৮ মে’ত ভাৰতত নিক্ষেপ কৰা মানৱবিহীন বিমানত তুৰস্কত নিৰ্মিত যুদ্ধ ব্যৱস্থা ব্যৱহাৰ কৰা হৈছিল। ইয়াৰ পিছত ভাৰতত তুৰস্কক লৈ ব্যাপক ক্ষোভ দেখা গৈছিল আৰু বহু লোকে তুৰস্ক ভ্ৰমণো বাতিল কৰিছিল।
মন কৰিবলগীয়া যে, ১২ জুনত বিয়লি আহমেদাবাদৰ চৰ্দাৰ বল্লভভাই পেটেল বিমানবন্দৰৰ পৰা লণ্ডন অভিমুখে যাত্ৰা কৰাৰ কিছু সময়ৰ পাছতে বিমানখন বিজে মেডিকেল কলেজৰ হোষ্টেল চৌহদত বাগৰি পৰে। এই ভয়ংকৰ দুৰ্ঘটনাত ২৪১ জন লোকে প্ৰাণ হেৰুৱালে। বিমানখনত থকা লোকসকলৰ ভিতৰত মাত্ৰ এজন লোকহে ৰক্ষা পৰে।
