তিৰুৱনন্তপুৰমৰ পৰা নতুন দিল্লীলৈ অহা এয়াৰ ইণ্ডিয়াৰ এখন বিমান ১০ আগষ্টত চেন্নাইলৈ ডাইভাৰ্ট কৰিবলগীয়া হৈছিল, কাৰণ অনুকূল বতৰৰ বাবে বিমান ক্ৰুৱে কাৰিকৰী দোষৰ সন্দেহ কৰিছিল।
বিমান সংস্থাটোৱে নিশ্চিত কৰিছে যে, এ১২৪৫৫ নম্বৰৰ বিমানখন চেন্নাইত নিৰাপদে অৱতৰণ কৰা হৈছে আৰু বিমানখনৰ প্ৰয়োজনীয় তদন্ত কৰা হ’ব। এই বিমানখনত কংগ্ৰেছৰ সাধাৰণ সম্পাদক কে চি ভেনুগোপালকে ধৰি বহু সাংসদও উপস্থিত আছিল।
এয়াৰ ইণ্ডিয়াৰ এগৰাকী মুখপাত্ৰই জনোৱা মতে, ১০ আগষ্টত তিৰুৱনন্তপুৰমৰ পৰা দিল্লীলৈ উৰা মৰা AI2455 বিমানখনৰ ক্ৰুৱে সন্দেহযুক্ত কাৰিকৰী সমস্যা আৰু বাটত অনুকূল বতৰৰ বাবে সতৰ্কতামূলকভাবে চেন্নাইলৈ ডাইভাৰ্ট কৰি বিমানখন নিৰাপদে চেন্নাইত অৱতৰণ কৰে।
ইফালে এয়াৰ ইণ্ডিয়াৰ মুখপাত্ৰই কয় যে, ক্ষতিগ্ৰস্ত যাত্ৰীসকলৰ অসুবিধাৰ বাবে তেওঁলোক দুঃখিত। চেন্নাইত থকা এয়াৰ ইণ্ডিয়াৰকৰ্মীসকলে যাত্ৰীসকলক তেওঁলোকৰ অসুবিধা কম কৰিবলৈ সহায় আগবঢ়াইছে আৰু যাত্ৰীসকলক অতি সোনকালে গন্তব্যস্থানলৈ লৈ যোৱাৰ বিকল্প ব্যৱস্থা কৰিছে। এই বিমানত বহু সাংসদও আছিল।
জ্যেষ্ঠ কংগ্ৰেছ নেতা তথা সাংসদ কে চি ভেনুগোপালকে ধৰি কেইবাজনো সাংসদ আৰু শতাধিক যাত্ৰী আছিল। লগতে কেৰালাৰ সাংসদ তথা কংগ্ৰেছৰ সাধাৰণ সম্পাদক কেচি ভেনুগোপালৰ লগতে ইউডিএফৰ আহ্বায়ক আদূৰ প্ৰকাশ, কংগ্ৰেছৰ জ্যেষ্ঠ নেতা কে সুৰেশ, কে ৰাধাকৃষ্ণন আৰু তামিলনাডুৰ সাংসদ ৰবাৰ্ট ব্ৰুচ আছিল।
