আহমেদাবাদৰ পৰা লণ্ডনলৈ উৰা মৰাৰ ঠিক কিছু মিনিটৰ পিছতেই এয়াৰ ইণ্ডিয়াৰ ১৭১ বিমানখনে নিয়ন্ত্ৰণ হেৰুৱাই মেঘানী নগৰৰ এটা অট্টালিকাত প্ৰচণ্ড জোৰে খুন্দা মাৰে। বিমানখনে খুন্দা মৰা অট্টালিকাটো চিকিৎসকৰ হোষ্টেল বুলি জানিব পৰা গৈছে। এই ভয়ংকৰ দুৰ্ঘটনাৰ পিছত হোষ্টেলখনত থকা একাংশ লোকৰো মৃত্যু হোৱাৰ আশংকা কৰা হৈছে।
দুৰ্ঘটনাস্থলত উপস্থিত থকা এগৰাকী শীৰ্ষ আৰক্ষী বিষয়াই জানিব দিয়া অনুসৰি, বৰ্তমান উদ্ধাৰ অভিযান চলি আছে। কেইবাটাও উদ্ধাৰকাৰী দলে উদ্ধাৰ অভিযান চলাই আছে। গ্ৰীণ ক’ৰিডৰ ব্যৱস্থাৰে আহত যাত্ৰীসকলক হাস্পতালত ভৰ্তি কৰাই থকা হৈছে।
অৱশ্যে এই দুৰ্ঘটনাটোত কিমান গৰাকী লোকৰ মৃত্যু হৈছে সেই কথা আৰক্ষী বিষয়াগৰাকীৰ লগতে চৰকাৰীভাৱেও এতিয়ালৈ উল্লেখ কৰা নাই।
উল্লেখ্য যে, ২৪২ গৰাকী যাত্ৰী আৰু ক্ৰু মেম্বাৰসহ এয়াৰ ইণ্ডিয়াৰ বিমানখনে আহমেদাবাদৰ পৰা উৰা মৰাৰ পিছতেই দুৰ্ঘটনাত পতিত হয়। দুৰ্ঘটনাটোত আটাইবোৰ যাত্ৰীৰে মৃত্যু হোৱাৰ আশংকা কৰা হৈছে। বিমানখনত আছিল গুজৰাটৰ প্ৰাক্তন মুখ্যমন্ত্ৰী বিজয় ৰূপানী।
