এলবাৰ্ট আইনষ্টাইনক পৃথিৱীৰ অন্যতম মহান বিজ্ঞানী হিচাপে গণ্য কৰা হয়। তেওঁ প্ৰকৃতি আৰু বিশ্বব্ৰহ্মাণ্ডৰ বহুতো ৰহস্য উদ্ঘাটন কৰাত সহায় কৰিছিল।
বিশ্ববিখ্যাত বিজ্ঞানীজনৰ এজনী ছোৱালী আছিল, এই বিষয়ে বিশ্বই জানিব পাৰিছিল ১৯৮৬ চনত। আইনষ্টাইনে তেওঁৰ প্ৰথম পত্নী মিলেভা মাৰিকলৈ লিখা কেইবা দশক পুৰণি চিঠিবোৰ খনন কৰি আছিল। সেইবোৰ পঢ়াৰ পিছত তেওঁলোকে জানিব পাৰিছিল যে, ১৯০২ চনত মিলেভাই আইনষ্টাইনৰ কন্যা লাইজাৰ্ল আইনষ্টাইনৰ জন্ম দিছিল।
চিঠিবোৰে প্ৰকাশ কৰিছিল যে, মিলেভা ১৯০১ চনত গৰ্ভৱতী হৈছিল। সেই সময়ত তেওঁ আৰু আইনষ্টাইনে জুৰিখ পলিটেকনিকত একেলগে অধ্যয়ন কৰিছিল আৰু দুয়োৰে বিয়া হোৱা নাছিল। তেওঁ এই গৰ্ভধাৰণ আইনষ্টাইনৰ বাহিৰে আন সকলোৰে পৰা লুকুৱাই ৰাখিছিল। ১৯০২ চনৰ ২৭ জানুৱাৰীত মিলেভাই এটা কন্যা সন্তানৰ জন্ম দিছিল।
১৯০৩ চনত আইনষ্টাইন আৰু মাৰিকে বিবাহ পাশত আৱদ্ধ হৈছিল। কিন্তু তেওঁলোকে লাইজাৰ্লৰ একোৱেই উল্লেখ কৰা নাছিল।
১৯৪৮ চনত মিলেভা মাৰিক আৰু ১৯৫৫ চনত এলবাৰ্ট আইনষ্টাইন দুয়োৰে মৃত্যুৰ পিছতো লাইজাৰ্ল পৃথিৱীৰ সন্মুখত উপস্থিত হোৱা নাছিল৷ ১৯৮৬ চনলৈকে তেওঁৰ পৰিচয় গোপনহৈ আছিল। মিলেভা আৰু আইনষ্টাইনৰ মাজত দশকজোৰা ব্যক্তিগত পত্ৰ আৱিষ্কাৰ হোৱাৰ পিছত আইনষ্টাইনৰ জীৱনীকাৰে আৱিষ্কাৰ কৰিছিল যে, আইনষ্টাইনৰ সঁচাকৈয়ে এগৰাকী ছোৱালী আছিল৷বুৰঞ্জীবিদসকলে যথেষ্ট চেষ্টা কৰিছিল, কিন্তু লাইজাৰ্ল আইনষ্টাইনৰ জন্মৰ কোনো প্ৰমাণপত্ৰ পোৱা নাছিল।
১৯৯৯ চনত লেখক “মিচেল জেকহেইমে আইনষ্টাইনৰ ডটাৰ: দ্য চাৰ্চ ফৰ লাইজাৰ্ল” প্ৰকাশ কৰিছিল।কিছু অক্ষমতাৰ সৈতে জন্ম হোৱা বাবে আইনষ্টাইন আৰু মিলেভাৰ বিবাহৰ কেইমাহমান পিছতেই লাইজাৰ্লৰ মৃত্যু হৈছিল বুলি তেওঁ উল্লেখ কৰিছিল।
