আমেৰিকাত ক্ষমতা দখল কৰাৰ পাছতেই ড’নাল্ড ট্ৰাম্পে সম্পূৰ্ণ কাৰ্য্যত নামি পৰিছে। তেওঁ বাইডেন প্ৰশাসনৰ বহু সিদ্ধান্ত উলংঘা কৰাৰ লগতে ইটোৰ পিছত সিটো ডাঙৰ ডাঙৰ সিদ্ধান্ত লৈছে।
ট্ৰাম্পে আমেৰিকাক AI KING হিচাপে গঢ়ি তোলাৰ সপোন দেখিছে। ইয়াৰ অধীনত ট্ৰাম্পে ৫০০ বিলিয়ন ডলাৰৰ ‘ষ্টাৰগেট’ AI প্ৰগ্ৰেম (Artificial Intelligence)ৰ বাবে Open AI, Oracle বাছি লৈছে।
নিজৰ লক্ষ্যত উপনীত হ’বলৈ ট্ৰাম্পে এটা দল গঠন কৰি কাম কৰি আছে। এই প্ৰকল্পৰ অধীনত আমেৰিকা চৰকাৰে Open AI, Oracle আৰু জাপানৰ টেলিকম আৰু ইণ্টাৰনেট কোম্পানী চফ্টবেংকৰ সৈতে কাম কৰিব।
ৰাষ্ট্ৰপতি ড’নাল্ড ট্ৰাম্পে মঙলবাৰে জাপানৰ চফ্টবেংক, ক্লাউড জায়ান্ট অৰেকল আৰু চেটজিপিটি নিৰ্মাতা অ’পেনএআইৰ নেতৃত্বত কৃত্ৰিম বুদ্ধিমত্তাৰ আন্তঃগাঁথনি নিৰ্মাণৰ বাবে বৃহৎ বিনিয়োগৰ কথা ঘোষণা কৰে।
হোয়াইট হাউছত এক বিবৃতিত তেওঁ কয় যে ষ্টাৰগেট নামৰ এই উদ্যোগটোৱে আমেৰিকাত এআই আন্তঃগাঁথনিত কমেও ৫০০ বিলিয়ন ডলাৰ বিনিয়োগ কৰিব।
ৰাষ্ট্ৰপতি হিচাপে শপত গ্ৰহণৰ পিছতেই ট্ৰাম্পে এই ঘোষণাক আমেৰিকাৰ সামৰ্থ্যৰ দিশত এক বৃহৎ পদক্ষেপ বুলি অভিহিত কৰে। এই ঘোষণাৰ সময়ত ওপেনএআইৰ মুখ্য কাৰ্যবাহী ছেম অল্টমেন, চফ্টবেংকৰ মুখ্য মাছায়োছি ছন আৰু অৰেকলৰ প্ৰতিষ্ঠাপক লেৰী এলিছনে অংশগ্ৰহণ কৰে।
ট্ৰাম্পৰ এই ঘোষণাৰ পিছতে Open AI য়ে সংবাদ মাধ্যমত এটা পোষ্টত কয় যে, এই প্ৰকল্পই আমেৰিকাৰ পুনৰ শিল্পকৰণক সমৰ্থন কৰাই নহয়, আমেৰিকা আৰু ইয়াৰ মিত্ৰ দেশসমূহৰ ৰাষ্ট্ৰীয় নিৰাপত্তা সুৰক্ষিত কৰাৰ বাবেও এক কৌশলগত সামৰ্থ্য প্ৰদান কৰিব। তেওঁ লগতে কয় যে চফ্টবেংক আৰু অ’পেনএআই ষ্টাৰগেটৰ মূল অংশীদাৰ, য’ত চফ্টবেংকৰ আৰ্থিক দায়িত্ব আৰু অ’পেনএআইৰ কাৰ্য্যকৰী দায়িত্ব।
