আজি এদিনৰ বাবে মিজোৰাম ভ্ৰমণলৈ যাব কেন্দ্ৰীয় গৃহমন্ত্ৰী অমিত শ্বাহে। মিজোৰাম ভ্ৰমণৰ পূর্বে উত্তৰ-পূর্বাঞ্চলৰ ৰাজ্যখনত নিৰাপত্তা কটকটীয়া কৰা হৈছে৷ শুকুৰবাৰে আৰক্ষী সঞ্চালক প্ৰধান অনিল শুক্লাই এই তথ্য প্ৰদান কৰে।
গৃহমন্ত্ৰীয়ে আইজলৰ পৰা অসম ৰাইফলছৰ প্ৰতিষ্ঠানসমূহ ৰাজ্যৰ ৰাজধানীৰ পৰা ১৫ কিলোমিটাৰ দূৰত্বত অৱস্থিত জোখোৱাছাঙত এটা কমপ্লেক্সলৈ স্থানান্তৰিত কৰাৰ উপলক্ষে আয়োজিত অনুষ্ঠানত অংশগ্ৰহণ কৰিব গৃহমন্ত্ৰীগৰাকীয়ে।
অনিল শুক্লাই কয় যে, সকলো নিৰাপত্তাৰ ব্যৱস্থা কৰা হৈছে আৰু গৃহমন্ত্ৰীৰ ভ্ৰমণৰ সময়ত নিৰাপত্তা বাহিনীক কঠোৰ সতৰ্কতা অৱলম্বন কৰিবলৈ কোৱা হৈছে। তেওঁ কয় যে, ৰাজ্যৰ আৰক্ষীৰ উপৰিও সীমান্ত সুৰক্ষা বাহিনী (বি এছ এফ) আৰু কেন্দ্ৰীয় সংৰক্ষিত আৰক্ষী বাহিনী (চি আৰ পি এফ)ৰ জোৱানো মোতায়েন কৰা হৈছে যাতে ডাঙৰ ডাঙৰ পথ আৰু স্থানত কঠোৰ সতৰ্কতা অৱলম্বন কৰিব পাৰি।
আজি দিনৰ প্ৰায় ১.৪৫ বজাত অমিত শ্বাহ লেংপুই বিমানবন্দৰত উপস্থিত হোৱাৰ সম্ভাৱনা আছে। খটলা অঞ্চলৰ মিজোৰাম ৰেঞ্জৰ অৰ্ধসামৰিক বাহিনীৰ ২৩ ছেক্টৰৰ মুখ্য কাৰ্যালয়ত আইজলৰ পৰা জোখোৱাছাঙলৈ আছাম ৰাইফলছৰ প্ৰতিষ্ঠানসমূহ স্থানান্তৰিত কৰাৰ উপলক্ষে বিয়লি ৩ বজাৰ অনুষ্ঠানত তেওঁ অংশগ্ৰহণ কৰিব।
পুৱা মিজোৰামলৈ যোৱাৰ পূৰ্বে গৃহমন্ত্ৰী শ্বাহে আৰক্ষী একাডেমী উদ্বোধন কৰিব। সন্ধিয়া গুৱাহাটীলৈ উভতি আহি কইনাধৰাৰ ৰাজ্যিক অতিথিশালাত নিশা থাকিব। দেওবাৰে পুৱা গৃহমন্ত্ৰীগৰাকীয়ে সদৌ বড়ো ছাত্ৰ সন্থাৰ ৫৭ সংখ্যক বাৰ্ষিক সন্মিলনত ভাষণ দিবলৈ অসমৰ কোকৰাঝাৰ জিলাৰ দোতমালৈ ৰাওনা হ’ব।
বিয়লি গুৱাহাটীলৈ উভতি আহি উত্তৰ-পূব অঞ্চলৰ আঠখন ৰাজ্যৰ মুখ্যমন্ত্ৰীৰ সৈতে ভাৰতীয় ন্যায়িক সংহিতাৰ অগ্ৰগতিৰ পৰ্যালোচনা কৰিব অমিত শ্বাহে। দেওবাৰে নিশা দিল্লীলৈ ৰাওনা হ’ব অমিত শ্বাহ।
শুকুৰবাৰে মিজোৰামৰ আৰক্ষী সঞ্চালক প্ৰধান অনিল শুক্লাই কয় যে গৃহমন্ত্ৰী শ্বাহৰ ভ্ৰমণৰ পূৰ্বে ৰাজ্যত নিৰাপত্তা ব্যৱস্থা কটকটীয়া কৰা হৈছে। গৃহমন্ত্ৰীৰ এই ভ্ৰমণৰ সময়ত নিৰাপত্তা বাহিনীক সজাগ হৈ থাকিবলৈ কোৱা হৈছে। ৰা
জ্যৰ আৰক্ষীৰ উপৰিও সীমান্ত সুৰক্ষা বাহিনী আৰু কেন্দ্ৰীয় সংৰক্ষিত আৰক্ষী বাহিনী (চি আৰ পি এফ)ৰ অতিৰিক্ত বাহিনীকো মাতি আনি মুখ্য স্থানত কঠোৰ সতৰ্কতা অৱলম্বন কৰা হৈছে।
