দেশৰ বিভিন্ন প্ৰান্তত ২১টি শিশুৰ অস্বাভাৱিক মৃত্যুৰ পিছতে কলড্ৰিফ নামৰ কফ চিৰাপৰ বিৰুদ্ধে কঠোৰ পদক্ষেপ গ্ৰহণ কৰিছে অৰুণাচল প্ৰদেশ চৰকাৰে। চৰকাৰখনে এই বিষাক্ত কপ চিৰাপৰ বিক্ৰী আৰু ব্যৱহাৰত কঠোৰ নিষেধাজ্ঞা আৰোপ কৰিছে।
অৰুণাচল প্ৰদেশৰ ড্ৰাগছ কণ্ট্ৰ’লাৰ ডাঃ কমলিং পাৰ্মেই কয় যে মধ্যপ্ৰদেশ আৰু ৰাজস্থানৰ দৰে ৰাজ্যত এই কফ চিৰাপ সেৱনৰ ফলত হোৱা শিশুৰ অস্বাভাৱিক মৃত্যুৰ প্ৰতি লক্ষ্য ৰাখি আমাৰ চৰকাৰে এই সতৰ্কতামূলক ব্যৱস্থা গ্ৰহণ কৰিছে।
ইয়াৰ পূৰ্বে ভাৰত চৰকাৰৰ স্বাস্থ্য সেৱা সঞ্চালক প্ৰধান (ডিজিএইচএছ)ৰ দ্বাৰা ইয়াৰ যুক্তিসংগত ব্যৱহাৰৰ বিৰুদ্ধে সাধাৰণ পৰামৰ্শমূলক সতৰ্কবাণী জাৰি কৰা হৈছিল। ইয়াৰ প্ৰতি সঁহাৰি জনাই ৰাজ্য চৰকাৰে সকলো ফাৰ্মাচী আৰু অন্যান্য স্বাস্থ্যসেৱাৰ সুবিধাক নিৰ্দেশ দিছে যে কলড্ৰিফ চিৰাপ বিক্ৰী বা আৰু বিতৰণত নিষেধাজ্ঞা আৰোপ কৰিছে।
