আন এক মাইলষ্ট’নত উপনীত হ’ল ৰবিচন্দ্ৰন অশ্বিন। বাংলাদেশৰ বিৰুদ্ধে কানপুৰত চলি থকা দ্বিতীয়খন টেষ্টৰ প্ৰথম ইনিংছত এটা উইকেট দখল কৰাৰ লগে লগে এক বিশেষ কৃতিত্বৰ অধিকাৰী হ’ল অশ্বিন।
দলাচলতে বাংলাদেশৰ প্ৰথম ইনিংছৰ সময়ত অশ্বিনে নজমুল হুছেইন ছাণ্টোক আউট কৰাত সফল হোৱাৰ লগে লগে তেওঁ টেষ্ট ক্ৰিকেটত এছিয়াৰ সৰ্বাধিক উইকেট লোৱা ভাৰতীয় বলাৰ হিচাপে পৰিগণিত হয়।
এই ক্ষেত্ৰত অশ্বিনে অতিক্ৰম কৰে অনিল কুম্বলেক। অনিল কুম্বলেই এছিয়া মহাদেশত খেলা টেষ্টত মুঠ ৪১৯টা উইকেট দখল কৰিছিল। এতিয়া এছিয়াত অশ্বিনৰ নামত সংযোজন হ’ল ৪২০টা উইকেট।
এছিয়াত সৰ্বাধিক টেষ্ট উইকেট দখল কৰাৰ অভিলেখ আছে শ্ৰীলংকাৰ মুৰুলীধৰণৰ নামত। তেওঁ এছিয়াত মুঠ ৬১২টা উইকেট দখল কৰিছিল।
এছিয়াত সৰ্বাধিক টেষ্ট উইকেট
মুথিয়া মুৰুলীধৰণ- ৬১২
আৰ অশ্বিন- ৪২০*
অনিল কুম্বলে- ৪১৯
ৰঙ্গনা হেৰাথ- ৩৫৪
হৰভজন সিং- ৩০০
ইয়াৰ উপৰি ২০০০ চনৰ পিছত টেষ্ট ক্ৰিকেটত সৰ্বাধিক এল বি ডব্লিউ আউট কৰা বলাৰ হিচাপেও পৰিগণিত হৈছে অশ্বিন। অশ্বিনৰ নামত মুঠ ১১৩টা এল বি ডব্লিউ উইকেট আছে।
২০০০ চনৰ পিছত টেষ্ট মেচত এজন বলাৰৰ সৰ্বাধিক এল বি ডব্লিউ আউট
১১৩ – ৰবিচন্দ্ৰন অশ্বিন
১০৮ – ৰঙ্গানা হেৰাথ
১০১ – ষ্টুৱাৰ্ট ব্ৰড
৯৮ – জেমছ এণ্ডাৰছন
৯৮ – মুথিয়া মুৰুলীধৰণ
