অসম চৰকাৰৰ বৃহৎ উচ্ছেদনৰ মাজতে ডাঙৰ খবৰ। গোৱালপাৰাৰ পাইকানত ক্ৰমাৎ ভয়াৱহ হৈছে পৰিস্থিতি। আৰক্ষীৰ আৰু উচ্ছেদিতৰ মাজত তীব্ৰ হতাহতিৰো সৃষ্টি হৈছে।
কিয়নো পাইকানত বৰ্তমানেও একাংশই ত্ৰিৰপালেৰে ঘৰ সাজি দখল কৰি আছে ভূমি। যাৰ বাবে আজি এই উচ্ছেদিত এলেকাত গাঁত খান্দিবলৈ আহিছিল প্ৰশাসনৰ লোক। কিন্তু একাংশ উচ্ছেদিতই আইন হাতত তুলি লৈ বাধা আৰোপ কৰে প্ৰশাসনক। আৰক্ষী-প্ৰশাসনৰ লোকলৈ শিলগুটিও নিক্ষেপ কৰে উচ্ছেদিত লোকে।
পিছত উপায়ন্তৰ হৈ নিয়ন্ত্ৰণ কৰিবলৈ এই এলেকাত গুলীচালনা কৰিবলৈ বাধ্য হয় আৰক্ষীৰ লোক। পৰ্যায়ক্ৰমে অধিক ভয়ংকৰ হৈ পৰে পৰিস্থিতি।
আৰক্ষীৰ গুলীত প্ৰাণ যায় ছোকোৱাট আলী নামৰ এজন লোকৰ। আন ১০জন লোকো গুৰুতৰভাৱে আহত হয়। ইয়াৰে এজনৰ অৱস্থা অতি সংকটজনক বুলি জানিব পৰা গৈছে। উন্নত চিকিৎসাৰ বাবে GMCH লৈ প্ৰেৰণ কৰা হৈছে।
