সংযম কৰিব লাগিব লিপ্সা! ৰাজ্যৰ এইকেইখন জিলাত নিষিদ্ধ হ’ল গাহৰি মাংস

শেহতীয়া সময়ছোৱাত যুৱচামৰ মাজত যথেষ্ট বৃদ্ধি পোৱা পৰিলক্ষিত হৈছে গাহৰি মাংসৰ জনপ্ৰিয়তা। পিছে বৰ্তমান সময়ত ৰাজ্যত নিষিদ্ধ কৰা হ’ল গাহৰি মাংস।

গাহৰি মাংস বেচা-কিনাত বাধা আৰোপ কৰিছে প্ৰশাসনে। ৭ খন জিলাত নিষিদ্ধ কৰা হৈছে গাহৰি মাংস। চোৱাইনফ্লুৰ সংক্ৰমণ ৰোধ কৰিবৰ বাবে প্ৰশাসনে ল’লে কঠোৰ সিদ্ধান্ত।

শেহতীয়াভাৱে আফ্ৰিকান চোৱাইনফ্লুৱে ৰাজ্যৰ ভিন্ন প্ৰান্তত লৈছে ভয়ংকৰ ৰূপ। আফ্ৰিকান ছোৱাইন ফিভাৰৰ প্ৰতি লক্ষ্য ৰাখি অসম চৰকাৰে ১৬ নৱেম্বৰত এক জাননী জাৰি কৰি আন্তঃজিলা গাহৰি সৰবৰাহ নিষিদ্ধ কৰাৰ লগতে ৭ খন জিলাত গাহৰি মাংসৰ বিক্ৰীৰ ওপৰত নিষেধাজ্ঞা আৰোপ কৰে।

নিয়ম নমনা সকলৰ বিৰুদ্ধে কঠোৰ শাস্তিৰ ঘোষণা কৰিছে প্ৰশাসনে। পৰৱৰ্তী নিৰ্দেশনা পৰ্যন্ত ৰাজ্যত বাহাল থাকিব এই নিষেধাজ্ঞা। কামৰূপ, ধেমাজি, লখিমপুৰ, শিৱসাগৰ, দৰং, যোৰহাট আৰু ডিব্ৰুগড়ত নিষিদ্ধ কৰা হ’ল গাহৰি মাংস। এই জিলাকেইখনত গাহৰি সৰবৰাহতো জাৰি কৰা হৈছে নিষেধাজ্ঞা।