বৰ্তমান বাংলাদেশৰ ৰাজনৈতিক পৰিস্থিতিৰ মাজতে নিৰ্বাচনৰ ঘোষণা সম্পূৰ্ণ দক্ষিণ এছিয়াৰ বাবে অতি গুৰুত্বপূৰ্ণ বুলি ধৰি লোৱা হৈছে। ১২ ফেব্ৰুৱাৰীত হবলগীয়া ত্ৰয়োদশ সাধাৰণ নিৰ্বাচনৰ পূৰ্বে দেশখনৰ ৰাজনীতিয়ে এক ডাঙৰ পৰিবৰ্তনৰ দিশে গতি কৰিছে বুলি এক স্পষ্ট ইংগিত পোৱা গৈছে। প্ৰচণ্ড শীতৰ মাজত বাংলাদেশৰ ৰাজনৈতিক তাপমান বৃদ্ধি হৈছে আৰু ইয়াৰ দ্বাৰা আটাইতকৈ অধিক লাভবান হৈছে বাংলাদেশ নেশ্যনেল পাৰ্টী (BNP)।
শেহতীয়াকৈ ইমিনেন্স এছ’চিয়েটছ ফৰ ছ’চিয়েল ডেভেলপমেণ্টে কৰা এক বৃহৎ প্ৰাক নিৰ্বাচনী সমীক্ষাত এক চাঞ্চল্যকৰ তথ্য প্ৰকাশ পাইছে। এই সমীক্ষাৰ দ্বাৰা প্ৰায় ৭০ শতাংশ লোকে বাংলাদেশ নেশ্যনেল পাৰ্টীৰ নিজৰ মতদান কৰিব বুলি অনুমান কৰা হৈছে। যি এই দলৰ বাবে অতি গুৰুত্বপূৰ্ণ বুলি ধৰি লোৱা হৈছে। ইয়াৰ তুলনাত জমাত-এ-ইছলামী দলে ১৯ শতাংশ সমৰ্থন লাভ কৰে।
বিএনপিৰ কাৰ্যবাহী নেতা তাৰিক ৰহমানৰ বাবে এই প্ৰাক নিৰ্বাচনী সমীক্ষা এক ডাঙৰ খবৰতকৈ কম নহয়। শীঘ্ৰে তেওঁক ৰাষ্ট্ৰীয় সভাপতি হিচাপে আনুষ্ঠানিকভাৱে নিযুক্তি দিয়াৰ প্ৰস্তুতি চলাইছে এতিয়া দলটোৱে। সংবাদ মাধ্যমৰ সৈতে হোৱা কথা-বতৰাত বিএনপিৰ সাধাৰণ সম্পাদক ফখৰুল ইছলাম আলমগিৰে ইংগিত দিয়ে যে, এদিন বা দুদিনৰ ভিতৰত এই সিদ্ধান্ত ল’ব পৰা যাব।
দলীয় সূত্ৰ অনুসৰি তাৰিক ৰহমানে চিলেটৰ পৰা নিৰ্বাচনী প্ৰচাৰ আৰম্ভ কৰিব পাৰে। এই একেটা অঞ্চলৰ পৰাই প্ৰয়াত নেত্ৰী খালেদা জিয়াই নিৰ্বাচনী প্ৰচাৰ আৰম্ভ কৰিছিল। বিএনপিয়ে এই পদক্ষেপক আৱেগিক আৰু ৰাজনৈতিকভাৱে তাৎপৰ্যপূৰ্ণ বুলি বিবেচনা কৰি দলৰ উত্তৰাধিকাৰৰ সৈতে ইয়াক সংযোগ কৰিছে।
এই মতামত সমীক্ষাৰ আটাইতকৈ আচৰিত দিশটো হ’ল যে, এতিয়া আৱামি লীগৰ পুৰণি সমৰ্থকৰ প্ৰায় ৬০ শতাংশই বিএনপিক ভোট দিব বিচাৰিছে, আনহাতে ২০ শতাংশতকৈ অধিক ভোটাৰে জামাত-ই-ইছলামীৰ প্ৰতি অৱনমিত হোৱা যেন প্ৰতিলক্ষিত হৈছে।
