ভাৰতে আৰম্ভণিৰে পৰাই বাংলাদেশী হিন্দুৰ নিৰাপত্তাৰ বিষয়টো উত্থাপন কৰি আহিছে। বাংলাদেশত চৰকাৰ বিৰোধী প্ৰতিবাদ আৰু পৰৱৰ্তী অশান্তিৰ ফলত হিন্দুসহ প্ৰায় ৬০০ লোকৰ মৃত্যু হৈছে।
আগষ্ট মাহত বাংলাদেশত চৰকাৰ বিৰোধী প্ৰতিবাদত বাংলাদেশী হিন্দুসহ প্ৰায় ৬০০ লোকে প্ৰাণ হেৰুৱাইছে।ভাৰতে আৰম্ভণিৰে পৰাই বাংলাদেশী হিন্দুৰ নিৰাপত্তাৰ বিষয়টো উত্থাপন কৰি আহিছে। এতিয়া ৰাষ্ট্ৰসংঘইও এই হিংসাত নিহত সংখ্যালঘুসকলৰ তদন্ত আৰু সুৰক্ষাৰ বাবে অনুৰোধ জনাইছে।
বাংলাদেশৰ প্ৰাক্তন প্ৰধানমন্ত্ৰী শ্বেখ হাছিনাৰ পতনৰ পূৰ্বে আৰু পতনৰ পিছত সংঘটিত হোৱা সকলো হত্যাকাণ্ড আৰু অন্যান্য অধিকাৰ উলংঘাৰ সম্যক তদন্তৰ বাবে বুধবাৰে ৰাষ্ট্ৰসংঘৰ এজন শীৰ্ষ মানৱ অধিকাৰ বিষয়াই আবেদন জনায়। ৰাষ্ট্ৰসংঘৰ মানৱ অধিকাৰ উচ্চায়ুক্ত ভলকাৰ টাৰ্কে তদন্তৰ আহ্বান জনাই কয় যে, এই তদন্তটো সৰ্বাংগীন দৃষ্টিভংগী আগবঢ়াই নিয়াৰ বাবে গুৰুত্বপূৰ্ণ, য’ত শ্ৰেণী, লিংগ, জাতি, ৰাজনৈতিক মতাদৰ্শ, পৰিচয় বা ধৰ্ম নিৰ্বিশেষে প্ৰতিটো বিষয়েই অন্তৰ্ভূক্ত কৰা হয়।
ৰাষ্ট্ৰসংঘৰ মানৱ অধিকাৰ উচ্চায়ুক্ত ভলকাৰ তুৰ্কে বুধবাৰে দুদিনীয়া বাংলাদেশ ভ্ৰমণ সম্পূৰ্ণ কৰে। নোবেল বঁটা বিজয়ী মহম্মদ ইউনুছৰ নেতৃত্বত থকা অন্তৱৰ্তীকালীন চৰকাৰখনে দেশত শৃংখলা স্থাপনৰ বাবে প্ৰত্যাহ্বানৰ সন্মুখীন হোৱা সময়ত তেওঁৰ এই ভ্ৰমণ সম্পূৰ্ণ কৰে।
হিংসাত্মক ঘটনাত সংঘটিত হোৱা হত্যাকাণ্ডৰ তদন্তৰ বাবে ইউনুছ চৰকাৰে আনুষ্ঠানিক অনুৰোধ জনোৱাৰ পূৰ্বেই ৰাষ্ট্ৰসংঘই বাংলাদেশলৈ তথ্য বিচাৰি উলিওৱা এটা দল প্ৰেৰণ কৰিছে।
হাছিনা চৰকাৰৰ পতনৰ পিছৰে পৰা বাংলাদেশত হিন্দুৰ ওপৰত আক্ৰমণ তীব্ৰতৰ হৈ পৰিছে, যাৰ বিৰুদ্ধে ভাৰতকে ধৰি বহু মানৱ অধিকাৰ সংগঠনে মাত মাতিছে। বাংলাদেশত চলি থকা হিংসাৰ বিৰুদ্ধে আৰু তেওঁলোকৰ নিৰাপত্তাৰ বাবে প্ৰতিবাদ সাব্যস্ত কৰিছে হাজাৰ হাজাৰ হিন্দু। দেশখনৰ সংখ্যালঘু গোটসমূহৰ ওপৰত আক্ৰমণৰ অভিযোগৰ পুংখানুপুংখ তদন্তৰ প্ৰয়োজনীয়তাৰ ওপৰত গুৰুত্ব আৰোপ কৰে তুৰ্কীয়ে।
