সনাতন ধৰ্মত গীতাক এখন পৱিত্ৰ ধৰ্মগ্ৰন্থ হিচাপে গণ্য কৰা হয়। হিন্দুধৰ্মত এই শ্ৰীমদ্ভাগৱত ভাগৱত গীতাৰ অত্যন্ত মহত্ব আছে। ভাগৱত গীতা হৈছে ৭০০টা শ্লোকৰ এখন হিন্দু ধৰ্মগ্ৰন্থ।
গীতাত সন্নিৱিষ্ট এই শ্লোকসমূহ হৈছে কুন্তীপুত্ৰ অৰ্জুন আৰু ভগবান শ্ৰীকৃষ্ণৰ মাজত হোৱা কথোপকথন। মহাভাৰতৰ যুদ্ধত ভগবান শ্ৰীকৃষ্ণই অৰ্জুনৰ ৰথৰ সাৰথিৰ হিচাপে তেওঁক মহাভাৰতৰ যুদ্ধত সহায় কৰিছিল।
বিভ্ৰান্ত অৰ্জুনক জীৱন, কৰ্তব্য, ধাৰ্ম্মিকতা আৰু ভক্তিৰ বিভিন্ন দিশ সামৰি, ভগবান শ্ৰীকৃষ্ণই প্ৰদান কৰা আধ্যাত্মিক জ্ঞান আৰু নিৰ্দেশনাসমূহ এই গীতাত সন্নিৱিষ্ট কৰা হৈছে।
জানো আহক ভাগৱত গীতাৰ ৫ টা শক্তিশালী শ্লোক, যিয়ে মানৱ জীৱনৰ বিভিন্নধৰণৰ সমস্যা সমাধানৰ বাবে কালজয়ী জ্ঞান আৰু ব্যৱহাৰিক নিৰ্দেশনা প্ৰদান কৰে, লগতে চাপ আৰু ভয় নিয়ন্ত্ৰণ কৰি আত্ম-অনুশাসন কৰিবলৈ উৎসাহ যোগায়।
নিস্বাৰ্থ কৰ্ম যোগ
कर्मण्येवाधिकारस्ते मा फलेषु कदाचन|
मा कर्मफलहेतुर्भूर्मा ते सङ्गोऽस्त्वकर्मणि ||
এই শ্লোকে ফলাফলৰ প্ৰতি আসক্তি অবিহনে নিজৰ কৰ্তব্য পালনৰ কৰাৰ ওপৰত গুৰুত্ব আৰোপ কৰিবলৈ আমাক অনুপ্ৰেৰণা যোগায়। ই আমাক নিজৰ কৰ্মৰ ওপৰত মনোনিবেশ কৰিবলৈ আৰু ফলাফলৰ বিষয়ে চিন্তা নকৰিবলৈ শিকায়, যাৰ ফলত মানুহৰ মানসিক চাপ আৰু উদ্বেগ হ্ৰাস পায়।
জ্ঞান যোগ
वासांसि जीर्णानि यथा विहाय, नवानि गृह्णाति नरोऽपराणि|
तथा शरीराणि विहाय जीर्णा-न्यन्यानि संयाति नवानि देही ||
এই শ্লোকে আত্মাৰ চিৰন্তন স্বৰূপক আলোকপাত কৰিবলৈ শিকায়। এই কথা ভালদৰে বুজি পালে, আমি মৃত্যুৰ ভয় আৰু প্ৰিয়জনক হেৰুৱাৰ ভয়ৰ সৈতে মোকাবিলা কৰাত সহায় হ’ব। লগতে ই আমাৰ মাজত শান্তি আৰু গ্ৰহণযোগ্যতাৰ অনুভূতি বৃদ্ধি কৰে।
ভক্তি যোগ
पत्रं पुष्पं फलं तोयं, यो मे भक्त्या प्रयच्छति|
तदहं भक्त्युपहृतमश्नामि, प्रयतात्मन: ||
এই শ্লোকে ভক্তি আৰু আন্তৰিকতাৰ গুৰুত্ব কঢ়িয়াই আনিছে। ইয়ে আমাক শিকায় যে আমাৰ উদ্দেশ্যৰ আন্তৰিকতাহে গুৰুত্বপূৰ্ণ, আমি আগবঢ়োৱা বস্তুগত মূল্য নহয়।
সাংখ্য যোগ
दुःखेष्वनुद्विग्नमना: सुखेषु विगतस्पृह:|
वीतरागभयक्रोध: स्थितधीर्मुनिरुच्यते ||
এই শ্লোকে আমাক আনন্দ আৰু দুখ এই দুই পৰিস্থিতিতে সমতা বজাই ৰাখিবলৈ শিকায়। ই আমাৰ মাজত এক সন্তুলিত মন গঢ়ি তোলাত সহায় কৰে, যি ব্যক্তিগত বিকাশ আৰু মানসিক স্থিৰতাৰ বাবে অত্যাৱশ্যকীয়।
ধ্যান যোগ
श्रेयान्स्वधर्मो विगुण: परधर्मात्स्वनुष्ठितात्|
स्वधर्मे निधनं श्रेय: परधर्मो भयावह: ||
এই শ্লোকে অসিদ্ধভাৱে সম্পাদন কৰা হ’লেও নিজৰ পথ আৰু কৰ্তব্য অনুসৰণ কৰাৰ গুৰুত্বৰ ওপৰত গুৰুত্ব আৰোপ কৰিবলৈ কৈছে। যিয়ে আমাক নিজৰ প্ৰকৃতিৰ প্ৰতি সত্য হৈ থাকিবলৈ উৎসাহিত কৰে।
