দেশজুৰী অব্যাহত আছে বিজেপি সদস্য ভৰ্তি অভিযান-২০২৪। ৰাজ্যতো সদস্য ভৰ্তি অভিযানৰ বাবে ৰাজ্যিক বিজেপি কাৰ্যালয়লৈ ভ্ৰমণ কৰিছে মুখ্যমন্ত্ৰী হিমন্ত বিশ্ব শৰ্মাই।ইয়াৰ মাজতে এক সংবাদমেলৰ যোগেদি সদৰি কৰিলে এই কথা। দেশজুৰি আৰম্ভ হোৱা সদস্য ভৰ্তি অভিযানৰ প্ৰথম সপ্তাহৰ ভিতৰতে ৰাজ্যৰ প্ৰায় ১৩ লাখ লোকে বিজেপিৰ সদস্য পদত যোগদান কৰে ।
সামগ্ৰিক বিষয় সন্দৰ্ভত হিমন্ত বিশ্ব শৰ্মাই কয় যে, যোৱা বছৰ সদস্যৰ সংখ্যা আছিল ১৮ লাখ ।ইয়াৰ বিপৰীতে চলিত বৰ্ষতে ইয়াৰ সংখ্যা বৃদ্ধি পাব বুলি আশা প্ৰকাশ কৰে ৰাজ্যৰ মুখ্যমন্ত্ৰী হিমন্ত বিশ্ব শৰ্মাই ।ৰাজ্যিক বিজেপিৰ মুখ্য কাৰ্যালয়ত সাংবাদিকৰ সৈতে হোৱা কথা-বতৰাত শৰ্মাই কয়, ‘দেশজুৰি সদস্য ভৰ্তি অভিযান চলি আছে। সদস্যপদ নবীকৰণ হৈ আছে আৰু নতুন সদস্যও দলত অন্তৰ্ভুক্ত হৈছে ।’
তেওঁ লগতে কয় যে, ২ ছেপ্টেম্বৰৰ পৰা বিজেপিৰ সদস্য ভৰ্তি অভিযান আৰম্ভ কৰা হৈছিল ।আৰম্ভ হোৱা দিনটোৰ পৰা সোমবাৰৰ বিয়লিলৈকে নতুন সদস্যকে ধৰি ১২.৯০ লাখ সদস্য দলটোত অন্তৰ্ভুক্ত হৈছে ।‘সাত দিনৰ ভিতৰত প্ৰায় ১৩ লাখ সদস্য অন্তভোক্ত হোৱাৰ লগতে সদস্য ভৰ্ত্তিৰ ক্ষেত্ৰত শীৰ্ষ পাঁচখন ৰাজ্যৰ ভিতৰত অসমৰ নাম আছে বুলি সদৰি কৰে মুখ্যমন্ত্ৰী গৰাকীয়ে ।আনহাতে ২৫ ছেপ্টেম্বৰলৈকে এই অভিযান অব্যাহত থাকিব বুলি সদৰি কৰি ৰাজ্যবাসীক নিৰ্দিষ্ট নম্বৰটোত মিছ কল দি নিজকে বিজেপিৰ সদস্য হিচাপে নামভৰ্তি কৰিবলৈ আহ্বান জনায় মুখ্যমন্ত্ৰী শৰ্মাই ।
মুখ্যমন্ত্ৰী শৰ্মাই কয়, যোৱা বছৰ ১৮ লাখ সদস্যই পঞ্জীয়ন কৰিছিল আৰু এইবাৰ ৰাজ্যত এই সংখ্যা বৃদ্ধিৰ হ’ব বুলি দলটো আশাবাদী। তেওঁ কয়, ‘সময় থাকিলে আমি সদস্য নামভৰ্তিৰ বাবেও মেনুৱেল ফৰ্ম ব্যৱহাৰ কৰিম। যিবোৰ গাঁৱত ইণ্টাৰনেট নাই, সেইবোৰ গাঁৱত আমি হাতেৰে কামটো কৰিবলৈ চেষ্টা কৰিম।’ তিনি ছেপ্টেম্বৰত ৰাজ্যিক বিজেপিৰ মুখ্য কাৰ্যালয়ত অনুষ্ঠিত এক বিশেষ কাৰ্যসূচীত মুখ্য়মন্ত্ৰী হিমন্ত বিশ্ব শৰ্মাই তেওঁৰ সদস্যপদ নবীকৰণ কৰিছিল।
