ব’ৰ্ডাৰ-গাভাস্কাৰ ট্ৰফী আৰম্ভ হোৱাৰ দিন ওচৰ চাপি অহাৰ লগে লগে ইয়াক লৈ উত্তেজনাও বৃদ্ধি পাইছে। পিছে আটাইতকৈ ডাঙৰ প্ৰশ্নটো হ’ল, এই হাই প্ৰফাইল ছিৰিজটোৰ অংশ কোন হ’ব? এই ডাঙৰ প্ৰশ্নৰ উত্তৰ পুনেত ভাৰত আৰু নিউজিলেণ্ডৰ মাজত অনুষ্ঠিত দ্বিতীয়খন মেচৰ পিছতহে গম পোৱা যাব।
জানো আহক কোনকেইগৰাকী খেলুৱৈয়ে দলত স্থান পোৱাৰ সম্ভাৱনা আছে-
নীতিশ কুমাৰ ৰেড্ডী
ব’ৰ্ডাৰ-গাভাস্কাৰ ট্ৰফীৰ বাবে দলত স্থান লাভ কৰিব পাৰে অল ৰাউণ্ডাৰ নীতিশ কুমাৰ ৰেড্ডীয়ে। ইণ্ডিয়ান এক্সপ্ৰেছৰ প্ৰতিবেদন অনুসৰি, ভাৰতীয় নিৰ্বাচকসকলে অষ্ট্ৰেলিয়া ভ্ৰমণৰ বাবে এজন দ্ৰুত বলিং অল ৰাউণ্ডাৰৰ সন্ধানত আছে। দলটোৰ এই প্ৰয়োজনীয়তা পূৰণৰ বাবে অজিত আগৰকাৰ এণ্ড কোম্পানীয়ে নীতিশ কুমাৰ ৰেড্ডীৰ নামত ছীল মাৰিব পাৰে।
আই পি এলত এছ আৰ এইচৰ হৈ খেলা নীতিশে শেহতীয়াকৈ বাংলাদেশৰ বিৰুদ্ধেও টি-২০ ছিৰিজ খেলিছে। অষ্ট্ৰেলিয়া ভ্ৰমণৰ বাবে ইণ্ডিয়া A দলতো নিৰ্বাচিত হৈছে।
শ্বাৰদুল ঠাকুৰ
পেচ অল-ৰাউণ্ডাৰ হিচাপে দলত স্থান লাভৰ বাবেও শ্বাৰদুল ঠাকুৰো এক শক্তিশালী প্ৰতিদ্বন্দ্বী। যোৱা অষ্ট্ৰেলিয়া ভ্ৰমণৰ গাব্বা টেষ্টত ভাৰতৰ জয়ৰ ক্ষেত্ৰত ৩৩ বছৰীয়া শ্বাৰদুলে গুৰুত্বপূৰ্ণ ভূমিকা পালন কৰিছিল।
শেহতীয়াকৈ তেওঁ আঘাতৰ পৰা সুস্থ হৈ ঘৰুৱা মেচতো ভাল প্ৰদৰ্শন আগবঢ়াইছে। বৰ্তমান তেওঁ মুম্বাইৰ হৈ ৰঞ্জী ট্ৰফী খেলি আছে। এনে পৰিস্থিতিত যদিও বিগত বৰ্ষত দক্ষিণ আফ্ৰিকা ভ্ৰমণৰ পিছৰে পৰা শ্বাৰদুল ভাৰতীয় দলৰ পৰা আঁতৰি থাকিব পাৰে, তথাপিও নিৰ্বাচকসকলে বৰ্ডাৰ-গাভাস্কাৰ ট্ৰফীত তেওঁৰ নাম বিবেচনা কৰিব পাৰে।
১০ নৱেম্বৰত অষ্ট্ৰেলিয়া ভ্ৰমণলৈ ৰাওনা হ’ব টীম ইণ্ডিয়া
১০ নৱেম্বৰত অষ্ট্ৰেলিয়া ভ্ৰমণলৈ ৰাওনা হোৱাৰ সম্ভাৱনা আছে টীম ইণ্ডিয়া। এইবাৰৰ অষ্ট্ৰেলিয়া ভ্ৰমণ বিশেষ হ’ব, কাৰণ ১৯৯২ চনৰ পিছত প্ৰথমবাৰৰ বাবে দুয়োটা দলৰ মাজত ৫ টেষ্ট মেচৰ শৃংখলা অনুষ্ঠিত হৈছে। ২২ নৱেম্বৰৰ পৰা আৰম্ভ হ’ব ভাৰত আৰু অষ্ট্ৰেলিয়াৰ মাজত টেষ্ট শৃংখলা।
