অন্ধ্ৰ প্ৰদেশৰ মাৰ্কাপুৰম জিলাত ২৬ মাৰ্চৰ পুৱা এক ভয়ংকৰ পথ দুৰ্ঘটনা সংঘটিত হয়। এখন যাত্ৰীবাহী বাছ আৰু ট্ৰাকৰ সংঘৰ্ষৰ ফলত বাছখনত অগ্নিকাণ্ড সংঘটিত হয়। এই দুৰ্ঘটনাত ১৪ জন লোক নিহত হোৱাৰ লগতে কেইবাজনো যাত্ৰী গুৰুতৰভাৱে আহত হয়।
আৰক্ষীয়ে জনোৱা মতে আহত কেইবাজনো যাত্ৰীক ইতিমধ্যে চিকিৎসালয়ত ভৰ্তি কৰি চিকিৎসা প্ৰদান কৰি থকা হৈছে। আৰক্ষীৰ মতে, পুৱা প্ৰায় ৬ বজাত তেলেংগানাৰ নিৰ্মলৰ পৰা নেল্লোৰ অভিমুখী হৰিকৃষ্ণ ট্ৰেভেলছ বাছে এখন ট্ৰাকৰ সৈতে সংঘৰ্ষত সংঘৰ্ষ হয়। সংঘৰ্ষৰ পিছতে বাছখনত অগ্নি সংযোগ হয় আৰু কেইবাজনো যাত্ৰী জ্বলি যায়।
এই পথ দুৰ্ঘটনাক লৈ গভীৰ শোক প্ৰকাশ কৰে মুখ্যমন্ত্ৰী এন চন্দ্ৰবাবু নাইডুৱে। কেইবাজনো যাত্ৰীৰ সৈতে হোৱা এই দুৰ্ঘটনাৰ খবৰ পাই তেওঁ গভীৰ শোক প্ৰকাশ কৰিছে। মুখ্যমন্ত্ৰীয়ে বিষয়াসকলৰ সৈতে কথা পাতি পৰিস্থিতিৰ পৰ্যালোচনা কৰে আৰু আহত যাত্ৰীসকলক প্ৰদান কৰা চিকিৎসা পৰিদৰ্শন কৰে। তেওঁ বিষয়াসকলক দুৰ্ঘটনাটোৰ কাৰণৰ সম্পূৰ্ণ তদন্ত কৰি বিতং প্ৰতিবেদন দাখিল কৰিবলৈ নিৰ্দেশ দিয়ে।
তথ্য-প্ৰযুক্তি মন্ত্ৰী নৰা লোকেশেও এই দুৰ্ঘটনাক লৈ শোক প্ৰকাশ কৰে। যত্ৰীবাহী বাছ আৰু ট্ৰাকৰ সংঘৰ্ষত ইমানবোৰ লোকে প্ৰাণ হেৰুৱাই পেলোৱাটো অতি মৰ্মান্তিক বুলিও তেওঁ কয়। লোকেশে কয় যে, আহত যাত্ৰীসকলৰ বাবে উপযুক্ত আৰু সময়োপযোগী চিকিৎসা সুনিশ্চিত কৰিবলৈ ইতিমধ্যে বিষয়াসকলক নিৰ্দেশ দিয়া হৈছে। তেওঁ কয় যে, চৰকাৰে ভুক্তভোগী পৰিয়ালক সম্ভৱপৰ সকলো সাহায্য আগবঢ়াব। লগতে আহত যাত্ৰীসকলৰ আশু আৰোগ্য কামনা কৰি মৃতকৰ পৰিয়াললৈ সমবেদনা জ্ঞাপন কৰে।
