আৰক্ষীৰ নামত ধন লৈ চাপৰ আৰক্ষীৰ জালত পৰিল এজন দালাল। চাপৰ আৰক্ষীৰ নামত ধন সংগ্ৰহ কৰি আৰক্ষীৰ জালত পৰে এগৰাকী প্ৰবঞ্চক। আৰক্ষীয়ে খেদি খেদি আটক কৰিছে ফলিমাৰীৰ মজিবৰ ৰহমান নামৰ দালালজনক।
অভিযোগ অনুসৰি গোচৰ ৰুজু কৰিবলৈ অহা এজাহাৰকাৰীৰ পৰা চাপৰ আৰক্ষীৰ নামত প্ৰথমে ৫ হাজাৰ পিছত আকৌ ২ হাজাৰ টকা লৈছিল ধৃত দালাল মজিবুৰ ৰহমানে।
শালকোচা মুছলিমপাৰাৰ সুৰত জামাল নামৰ এজাহাৰকাৰীৰ পৰা এই ধনখিনি লোৱাৰ অভিযোগ উত্থাপন হৈছে।
ধন সংগ্ৰহ কৰাৰ উপৰি এজাহাৰকাৰীক বিপথে পৰিচালিত কৰি অহাৰ অভিযোগো আছে দালাল মজিবৰ ৰহমানৰ বিৰুদ্ধে। অৱশেষত বিষয়টো চাপৰ আৰক্ষীৰ ভাৰপ্ৰাপ্ত বিষয়া দ্বীপজ্যোতি ইংতিক অৱগত কৰাত তাৎক্ষণিকভাৱে দালালজনক গ্ৰেপ্তাৰ কৰে।
সম্প্ৰতি দালালজনক আৰক্ষীয়ো সোধা-পোচা অব্যাহত ৰাখিছে।
