মহানগৰীত সংঘটিত হৈছে এক চাঞ্চল্যকৰ ঘটনা। এগৰাকী মহিলাৰ মৃতদেহক লৈ GMCHত সৃষ্টি হৈছে তীব্ৰ চাঞ্চল্য।
আজি পুৱায়েই এগৰাকী মহিলাক GMCH লৈ আনিছিল এজন যুৱকে। ইমৰান নামৰ এজন যুৱকে পুৱা GMCHত ভৰ্তি কৰিছিল এই মহিলা গৰাকীক। GMCHত ভৰ্তিৰ পিছতেই মহিলা গৰাকীক মৃত বুলি ঘোষণা কৰে চিকিৎসকে।
তাৰ পিছতেই GMCHত সৃষ্টি হয় তীব্ৰ চাঞ্চল্যৰ। মহিলা গৰাকী মৃত বুলি ঘোষণা কৰাৰ পিছতেই পলায়নৰ চেষ্টা কৰে ইমৰানে। লগে লগে GMCHৰ নিৰাপত্তাৰক্ষীয়ে কৰায়ত্ত কৰে ইমৰানক।
ইমৰানক কৰায়ত্তৰ পিছতে পোহৰলৈ আহিছে এই চাঞ্চল্যকৰ তথ্য। ওৰে নিশা মহিলাগৰাকীৰ সৈতে অতিবাহিত কৰিছিল ইমৰানে। নিচা জাতীয় দ্ৰব্য অধিক পৰিমাণে সেৱন কৰিছিল ইমৰান আৰু মহিলা গৰাকীয়ে।
৩০ আগষ্টৰ নিশা ইছলামপুৰত এখন বিলাসী হোটেলত চলিছিল পাৰ্টী।ড্ৰাগছৰ অভাৰড’জত এই মহিলা গৰাকীৰ মৃত্যু হোৱাৰ সন্দেহ কৰা হৈছে। মৃত মহিলা গৰাকী এখন পাৰ্লাৰত কাম কৰিছিল বুলি জানিব পৰা গৈছে। ইতিমধ্যে GMCH ত উপস্থিত হৈছে এই মহিলা গৰাকীৰ স্বামী। মহিলা গৰাকীৰ স্বামীৰ নাম আশুতোষ চেতিয়া বুলি জানিব পৰা গৈছে।
সম্প্ৰতি ভঙাগড় আৰক্ষীৰ জিম্মাত আছে ধৃত ইমৰান। ইমৰানৰ ম’বাইল ফোনৰ পৰা আৰক্ষীয়ে উদ্ধাৰ কৰিছে বহু বিস্ফোৰক তথ্য। গুৱাহাটীৰ বহু বিলাসী পাৰ্টীত যুৱতীসকলক এই নিচাযুক্ত দ্ৰব্য যোগান ধৰাৰ অভিযোগ উত্থাপন হৈছে ইমৰানৰ বিৰুদ্ধে।
