নিৰ্বাচনী প্ৰচাৰ সভাত কংগ্ৰেছৰ নিকৃষ্ট কাণ্ড। হিন্দী গীতৰ তালে তালে যুৱতীয়ে প্ৰদৰ্শন কৰিলে অশ্লীল নৃত্য।
যিটো সময়ত অসম প্ৰদেশ কংগ্ৰেছ কমিটিৰ সভাপতি গৌৰৱ গগৈয়ে বৰ অসম গঢ়াৰ কছা উল্লেখ কৰিছে, সেই সময়তে ভোটাৰক আকৰ্ষিত কৰিবলৈ কংগ্ৰেছে কৰিছে এক নিৰ্লজ্জ কাণ্ড।
এই ঘটনা বিৰছিং জৰুৱা সমষ্টিৰ বাহিৰ ছুৱাপাতা গাঁও পঞ্চায়তৰ দৈখোৱা বজাৰৰ। দৈখোৱা বজাৰৰ নিৰ্বাচনী সভাত কংগ্ৰেছ দলে ভোটাৰক আকৰ্ষিত কৰিবলৈ অশ্লীল নৃত্য প্ৰদৰ্শন কৰোৱা পৰিলক্ষিত হৈছে। সমষ্টিটোৰ কংগ্ৰেছ প্ৰাৰ্থী ওৱাজেদ আলী চৌধুৰীৰ এনে কৰ্ম কাণ্ডক লৈ সচেতন ভোটাৰৰ মাজত ব্যাপক চৰ্চা লাভ কৰিছে। যেন এয়া কোনো নিৰ্বাচনী প্ৰচাৰ সভা নহয়, এক নৃত্য অনুষ্ঠানহে।এই দৃশ্য সামাজিক মাধ্যমত ভাইৰেল হৈ পৰাত ব্যাপক চৰ্চা লাভ কৰিছে।
ভাৰতৰ এক পুৰণি ৰাজনৈতিক দলে এনেধৰণে অসৎ পন্থা হাতত লোৱা ঘটনাই বিৰূপ চৰ্চা লাভ কৰিছে। বৰ্তমান প্ৰশ্ন উত্থাপন হৈছে যে, জনমত হেৰুৱাবৰ ভয়ত কঁপিছে নেকি কংগ্ৰেছ দল। যাৰ বাবে এচিয়া প্ৰশ্ন উত্থাপন হৈছে যে, ভোটাৰক আকৰ্ষিত কৰাৰ বাবে কংগ্ৰেছে আঁকোৱালি লৈছে অসমৰ কেতিয়াও নোহোৱা কিছুমান বিজতৰীয়া সংস্কৃতি।
